Min Aung Hlaing A Rian In Chuak Tiah မဘသ Mabatah Phungki Le Ralkap Dirkamh Tu Nih An Au
— SAC bawizik Senior General Min Aung Hlaing ralkap bawizik cu a rian chuah in ralkap bawizik changtu Vice Chairman of the State Administration Council Senior General Soe Win kai ding ter in Ma-ba-tah phungki nih Pyin Oo Lwin khua ah ralkap duhnak lamzawhnak ah an au.
![](http://teachexclusive.com/wp-content/uploads/2024/01/c.png)
SAC Chairman Min Aung Hlaing nih a rian chuah tak in a mah aiawh tu ah SAC vice Chairman Senior General Soe Win kai ter ding in Ma-ba-tah phungki le ralkap a tanh mi hna nih January 16 ni ah Mandalay ramthen, Pyin Oo Lwin ah ralkap duhnak langhternak an tuah hi a si.
MNDAA ralkap pakhat nih Buddhist Sedi-pura cu sobul in a hrawh mi duhlonak langhternak an tuahnak Pyin Oo Lwin ah U Tuhsihtah, U Pannihtah le Pauk phungki Arihyahwintah minthang Mabatah phungki second generation hruaitu hna an i tel. Mabatah cu President hlun Thein Sein chan ah ralkap a bawmchan tu phu, Islam dohkalh tu tiah a cawlcang mi phu an si.
SDA ralkap University umnak Pyin Oo Lwin khua ralkap tampinak puai ah U Arihyahwintah-kum 37 Pauk phungki hruainak in Min Aung Hliang a rian in dinhnak zong an au chih.“SAC Chairman cu civil lei Ministry pakhatkhat ṭhial sehlaw a tha lo maw” tiah Pauk Phungki nih a au i ralkap lei ṭanpi tu hna nih “a tha ko pathian-ကောင်းပါတယ်ဘုရား” tiah an rak au cio.
Kan duh mi kan au caah a zizut tlaih kan ngamh ko tiah mah phungki nih a chim.SAC lei ṭang mi online cahmai pawl ahcun mah puai ah aa tel mi hi minung 3,200 hrawng an si i, phunki, ralkap hlun, USDP, Sang uktu, khuabawi le ralkap ṭanpi tu hna an i tel tiah an tial cio.2021 kum mipi cozah thlak in SAC Min Aung Hlaing hruai mi nih uknak a lak hi kum 3 deng a phanh lio ah ramchung hmunkip ah mipi dohthlennak bu pawl an thazang a thawng chin lengmang.
Kan hnu lei thla 2 thawk in Min Aung Hliang ralkap cu tlangcung hriamtlai phu hna nih an nor tuk caah peng-myo le sakhan a sungh mi a tam tuk cang. Mah a sungh mi peng lei nih SAC caah kum ti in US $ million tampi a hmuhnak India, Tuluk le Thai chawlehnak lam pawl hna an si.Mah hna pawl cherhchan in Pauk Phungki le ralkap lei ṭang mi hna nih Senior General Min Aung Hlaing cu a ziaza thami pathian fa tiah capo in voi tampi an chim.Stage cung in Pauk Phungki nih “Mah ti si cun ralkap bawizik dirhmun ah mi zeidah a kai lai tiah an ti tik ah Vice Senior Soe Win a um ko” tiah a leh hna.
“A mithmai zoh uh law, ralkap tak a si lo, Vice Chairman cu a mithmai le, a riantuanning a thutdir ning zoh uh, nan duh lo maw?” tiah stage cung in a au lio ah stage tang ummi ralkap lei tanh pawl nih “Kan duh ko” tiah au in an kut an bengh.Liamcia kum ah Pyin Oo Lwin ralkap duhnak langhternak puai paoh ah Pauk Phungki cu aa tel peng i 2023 November 8 ah a facebook ah vice chairman Soe Win hmantlak tar in “ralkap tak a si, hruaitu tak a si” tiah caṭial in a tarlangh bal.
Pauk Phungki Arihyahwintah hi Mabatah hruaitu U Wiyahtu nih a zumh mi buddhist phun daw tu Union-Mandalay chungtel pakhat a si. 2018 kum NLD cozah thlaknak ding in Mandalay ah Sandah-duhlonak langhter lio ah a dang Mabatah- phungki pawl he tlaih a tong i, Mandalay Obo Prison thonginn ah kumkhat thongtlak mi a si.
SAC nih uknak a lak hnu in Pyu Saw Htii, Pyi Tuh Sit dir ding ah Ralkap lei bawmtu pakhat a si.January 17,nitin in chuahmi thawng ah Mabatah hruai mi Pyin Oo Lwin Sandahpiah-duhlonak langhter kong, SAC hruaitu Chairman a rian in chuah seh tiah an au hnawh mi cu an tarlangh duh lo tiah Myanmar Now tial mi chung in mah thawngpang hi lak a si.The Chinland Post