US Chin Nu Bu Angel Group nih CNA Nu Hna ca ah Motorcyle 9 an Hlut- US ram ah a um mi Chin nu bu pakhat a si mi Angel Group nih CNA nu hna ca ah motorcyle 9 le thilri dangdang an hlut hna, tiah thawng kan theih. Tuan deuh ah khan CNA nu pawl ca ah Angel Group nih motorcyle 6 an rak hlut cang i, nizaan nai ah a dang motorycle (Scooter) pathum an hlut chap hi a si.
![](http://teachexclusive.com/wp-content/uploads/2024/04/e.png)
Cu lawng si lo in, kedan, thilpuan, eidin le nu pumpak hman mi thilri pawl zong an cawkpiak hna. “Mah zawn ruat lo in zeizong vialte hlawt in ramrian a ṭuan mi CNF/CNA nu vialte upatnak kan in pek hna,” tiah Angel Group nih an langhter. Kan hnu thla zong ah khan US ram ah a um mi Chin nu bu hna i fon in CNA Truck Project an tuah i, motor 10 an rak cawkpiak cang hna. THP