CNDF/CNO nih Chin ralkap sinah thawngtheihternak/ralrin peknak cathanh an chuah rih. An timi cu, SAC ralkap nih an ukmi Falam khuapi cu kan kutchung ah a um than khawhnak hnga timhlamhnak kan ngei dih cang. Cu a si caah Falam khuapi khongah CNA nih zeihmanh timhlamhnak le cawlcanghnak nan tuahlo dingin CNDF le Chin Brotherhood nih thawng kanin thanh hna tiah an ti. Aliamcia zarhhnih hrawng ah khan a si rua, ZFU nih hibantuk te hin CNA cu cathanh an chuah hnawh hoi cang hna.
![](http://teachexclusive.com/wp-content/uploads/2024/04/aa.jpg)
Kawlram Passport Sok Thlennawn- Myanmar Passport tuah ningcang thlennawn a si. Cuhlan ah cun a hmun kal in sok a si tawn nain, atu cu maivan (online) in soknak tuah (booking) a si cang lai. Hi thlennawnnak hi Myitkyina, Monywa, Lashio, Taunggyi, Sittwe, Hakha, Pha-an, Mawlamyine, Dawei le Magway hrambunh Passort tuahnak hna ah thawk a si lai. Hi kong he pehtlai in Myanmar Passport Issuing Board hna nih fehternak a tuah cang. Biachah ning bantukin May 2 in thawk le hman a si cang lai, tiah theih a si. 1 May zing suimilam 9 thawk in caan-hal (appointment) khawh a si lai tiah, MPIB nih a thanh.
Ramleng chuahnak Passport sok a duh mi, Yangon hmunram kulh um inng-taungsuh-sayin (household list) ngei nih Passport chuahnak zung ah QR Code hmangin sok khawh a si lai. Cun Kayah State inn-taungsuh-sayin ngei nih SAC tlaih mi cozah theihpinak catlap he Taungyi zung ṭeng a si mi Passport tuahnak ah sok khawh si lai. Adang ramkulh hmun hna ahcun anmah ramkulh inn-taungsuh-sayin he aa tlak ning in sok a si lai, tiah an chimchap.