Myanmar Independent Kawlram zalonnak hmuh Ni 76th ah thongtla minung 9,652 luatnak a pek hna. Thongtla 9652 chungah ramdang mi 114 an I tel tiah report nih a langhter. Myanmar’s military government will release 9,652 prisoners, including 114 foreigners, under an amnesty to mark the country’s independence day.
![](http://teachexclusive.com/wp-content/uploads/2024/01/rr.png)
Kanyutkwin Khuapi Pawng SAC Ralkap Sakhan 8 Cu KNLA Le Ṭangṭi Phu Nih An Laak. Yangon-Mandalay lam hlun Kanyutkwin khuapi pawng SAC ralkap sakhan cu KNLA hruainak in tualchung hriamtlai ṭangṭi phu nih nihin January 4 zinglei ah ah an kah i suimilam pakhat chung ah sakhan 8 an laak khawh, tiah KNU nih an thanh.
Nihin January 4, zinglei suimilam 4:30 hrawng ah KNLA le tualchung hriamtlai ṭangṭi phu nih Kanyutkwin khuapi pawng SAC ralkap sakhan 8 cu an laak khawh. Cu sakhan kahdohnak ah cun ralkap 20 hrawng an thi i hriamnam tam ngai zong an laak khawh, tiah thlanglei ramṭhen in PDF Battalion pakhat nih an thanh ve.
Phyu Peng SAC Ralkap Sakhan Kahdohnak Ah SAC Ralkap 20 An Thi. Bago ramṭhen, Phyu peng Kanyutkwin khuapi, Konetey khua pawng um SAC ralkap sakhan 5 kahdohnak ah SAC ralkap 20 an thihnak kong cu Tawwin Daung Column nih an langhter. Nihin January 4, zinglei suimilam 3:00 ah Yangon-Mandalay lam hlun Kanyutkwin khuapi, Konetey khua pawng um SAC ralkap sakhan 5 cu PDF ṭangṭi phu nih an kah i SAC ralkap 20 an thi, sakhan a zaamtak mi zong a tam, tiah theih a si.
Nihin January 4, zinglei kahdohnak ah tualchung mi pakhat a thihnak kong le Kanyutkwin khuapi he aa naihnak ah a ummi meng 142 thir hlei a cahnak kong zong tualchung mi hna nih an chim.
Pyu peng le Kyauktaga peng kar a ummi thir hlei a cahnak, Kanyutkwin khuapi he meng 2 aa hlatnak Taungkone khua ah kahdohnak aa thawknak le kahdohnak chung ah tualchung mi pakhat a thihnak kong cu tualchung mi pakhat nih Khit Thit Media ah a chim. TCP