Breaking news from Lautu innchungkhar! Lawngthangtlang khua upa hna nih AG khrihfa bu hna cu an khua in an thawl hna caah Hnaring lei ah an zam dih tiah thawngpang tha lo kan theih.Lautu miphun tuanbia tha lo kan ngei ve cang ti khi kan si ko hnga. “Lautu Historical Culprit “cu a ho te dah an si hnga dik……….. Thawngtha biatak le ThiangThlarau hruainak in Bawipa hnu zulh kan duh ve ko a ti mi hna a duhlo tu hna hi Lawngthangtlang khuapi maw an si? a dang organisation dah an si? Pathian lung kan tong hnga maw ti kha tha tein ruat hmanh uh???
Nihin Global Intercession Prayer ah thla ka cam khawh cangka in Coffee ka din lio ah Hnaring lei in thawngpang ka thei mi nih a ka lau ter ngaingai. Khua ka cam lio ah hi konglam hi ka thei cia cang mi a si ko i Lautu Regional zungah a phan cang mi a si. Nain keimah cu mikhual ka si caah uk tu hna nih rualremnak an tuah lai i a tha than te ko lai tiah ဒေသအုပ်ချုပ်ရေးအဖွဲ့ hna cungah zumhnak le hnabeiseinak tampi ka ngei hna.Ni fatin tein an caah thla ka campiak hna. Cun Lawngthangtlang khua hruai tu hna le khrihfa hna cah zong rualrem tein khua an sa tti khawhnak hnga thla ka campiak peng hna.
A si nain kai ruahchan mi bantuk in thil a rak kal kholo mi cu a puai ngaingai ka ti. Lautu Regional Governor hna theih ter loin Lawngthangtlang khua hruaitu hna nih ngamh ngai in thil an tuah hram mi maw a si hnga? Lautu Regional Governor hna nih denomination pakhat lawng aiawh in biakhiak nak an tuah piak sual mi dah a si hnga tiah ka thinlung ah a buai ngaingai.
Hi kong he pehtlai in Kan miphun hruaitu hna hi an biachim an thu an dir ning ka zoh hna i an za ngai ko tiah ka hmuh ko hna hlei ah ka tleichan hna fon.
Hi bantuk in khrihfa bu le khuami buaibaimnak a konglam he pehtlai in thil a kal ning hna kha an meetingah ka ngai ve ton ko i a cuai ka thlai ve ko caah Hruaitu fim hna nih cun Lautu innchungkhar hna fonhtom ter than ding le rualremnak serpiak than ding hi a lamtha an kawl lai i fawi te in an tuah khawh hrim lai tiah ka zumh bak. Mit pakhat long le hnakhat long in a theih ah cun mi hruaitu hna caah cun zeithil poh hi a har tuk ko lai ti cu a fiang.
A ruang cu Lawngthangtlang khua nu khua pa hna zong hi khua a ruat kho ve mi kum tling upa hna an si ko kha. Tha tein ruahnak a pek kho mi Lautu hruaitu tha kan um ahcun thilkal ning aa dawh tuk ko hnga.
Vawlei cung a si caah Khua le ram ah buaibainak tete hi a um phung a si ko. Nu Le va hmanh a cancan cu kan i sik can a um ko. Nain Hruaitu fim le hruaitu tha nih cun (Responsibility and accountability)tuanvo an lak khawh peng caah miphun karlak ah dawtnak le upatnak tu an karh ter chin ton.
(Governor or local authority)Ram uk tu a si lo ah miphun hruaitu ti mi cu denomination (Bu)tanh phung a si lo. Miphun tanh tu le dirkam tu an si awk tu a si. An tanh sual ahcun an tanh mi a bu lawng nih an tlaichan lai i a ding mi Pathian le an tanh duh lo mi hna nih tihzahnak an pek duh hrimhrim ti lai lo caah an dirhmun le an thuthmun hna hi sau a nguh lai lo ti kha tha tein ruahthan ding ah kan duh piak ko hna. Cu bantuk hruai tu hna cu hmailei caah Regional Governor position lak dingah cun an qualified lo taktak tiah ruah ding an si cang ko hi mu.
Miphun zalennak le luatnak dingah kan fale hna nih nunnak pek in revolutionary ral an do cuamah lio pi ah bukhat le bukhat karlak ah rualremnak a ser thiam lo mi Miphun hruaitu hna le bu hruai tu hna i an dir hmun le an lungput nih hin Lautu miphun humhimnak le thanchonak caah kan nun rei nan ka thei ter ngaingai ko ti hi hmaizah lo tein capar in ka hung langh ter duh mi a si.
Siathin a ei tih mi Lautu(Palung a luu the li tli pa Lutuv ming) miphun nih kan lung a rual kho lo ning hi 2020 kum election nih a langh ter cang kha mu. Kan mak tuk ko lo maw Lautu turun a kan zohkhen tu tukhal hna!
Kan miphun nih hruaitu tha kan herh taktak cang ko hi te….. James Peng Hu