Lautu Miphun Lawngthangtlang Khua AG Khrihfa Bu Pawl An Khua In An Chuah Hna- Matupi peng, chung um mi Lautu miphun Lawngthangtlang khua () khrihfa bu hna cu an khuachung in an chuah hna tiah ṭuanvo ngeitu upa hna nih an chim. Lawngthangtlang khua ah hin ukhruainak ai ṭhen ruang, AG khrihfa bu hi a hlan an khrihfabu min ṭhing () in () tiah min thlen ruang le MDF ukhruainak tangah um duh lo ruangah a tu bantuk in buainak a chuah hi a si.
“Lawngthangtlang khua ah hin MEC khrihfa bu chung in MDF ukhruainak tangah um duh ti lo ruangah an bu min thlen ding ah Baptist timi min le AG tiin minthlen ding ah me (vote) lak a si i AG khrihfa bu siseh tiah minung tamdeuh nih an tei hna. A si nain a duh lo mi MEC upa hna nih an Biakinn cu an hrenh piak hna. Cucaah a tuabantuk in buainak a chuah le an khuachung tiangin an ṭhawl hna nak a si”tiah tualchung mi pakhat nih CBH Channel ah a chim.
Hi khua an i hruainak ah hin Lawngthangtlang khua ah a um cia mi Khrihfa bu 3 pin ah Bu dang dirh ti lo dingin phungphai an rak ngei. Lawngthangtlang khua in chuah a tongmi AG khrihfabu hna cu Hnaring khua mi nih an lak hna. “AG khrihfa bu in a chuak mi hna hi khua in chuah lo dingah Upa hna nih sathi luanh in an thloh ko hna nain an duh lo” tiin khua upa pakhat nih a langhter ve.
A si nain khuami hna nih an thloh hna le thloh hna lo nak kong tu cu CBH Channel nih kan fehter ngam lo.
Lawngthangtlang khua hi Matupi peng Mara tlangthluan ramri ah a um i Lautu miphun an si. Hi khua cu a hlan ah Lautu ramchung ah a rak um mi a si ko nain U Nay Win nih Matupi peng ah a rak fonh mi hna khua a si tiah kan theih. TCH