CDF-Asho, APDF Le SAC Ralkap Pawl Ngaphe Peng An I Kahdohnak Ah SAC Ralkap 20 An Thi – Magway ramṭhen, Ngaphe peng, Manchaungse pawng kahdohnak ah SAC ralkap 20 an thih kong, Chin Defence Force – Asho nih nizan June 22 ah an thanh. Chin Defence Force – Asho(CDF-Asho), People’s Defence Force – Ayeyarwaddy(APDF) ṭangṭi phu nih June 21, zinglei suimilam 5:30 ah Ngaphe peng, Manchaungse pawng Kyaungkone khua hlun SAC ralkap sakhan cu an kah i suimilam 2 chung kaphnih kar kahdohnak a chuah hnu ah SAC ralkap nih hriamngan le vanlawng in kahdohnak an tuah caah sakhan la manh lo in hnu an tolh kong, Chin Defence Force – Asho nih an langhter.
![](http://teachexclusive.com/wp-content/uploads/2024/06/ee.jpg)
Ngaphe peng kahdohnak ah cun Chin Defence Force – Asho(CDF-Asho), People’s Defence Force – Ayeyarwaddy(APDF) ṭangṭi phu nih SAC ralkap 20 a hmun ah an hrilh hna i minung tam ngai an hliamh hna kong, CDF-Asho nih an cathanh chuah mi ah an langhter. TCP