MDF Check Gate Ah Sami Mino 30 Hrawng Tlaih An Tong- Chinram, Paletwa peng, Sami khuapi mino 30 hrawng cu Maraland Defense Force(MDF) nih an Check Gate ah an tlaih hna kong tualchung mi nih an chim.Sami khuapi mino 30 hrawng cu Mizoram lei i dor ding in le Baibal sianginn kai ding in motor pakhat in an kal lio ah MDF Check Gate ah March 20 zanlei ah an tlaih hna, tiah theih a si.
![](http://teachexclusive.com/wp-content/uploads/2024/03/Screenshot_3-3.png)
“Sami mino pawl cu Mizoram ah ralzaam ding in le Baibal sianginn kai ding in a kal mi an si i MDF Check Gate ah tlaih an tong ti tiang lawng theih a si, zeiruang ah dah an tlaih hna ti mi tu cu hngalh a si rih lo. Tlaih a tong mi mino pawl cu pehtlaih awk zong an ṭha lo, tlaih a tong mi chung in nunau le kum tling lo zong an i tel caah lungrethei ngai a si ko,” tiah tlaih a tong ve mi chungkhar in minung pakhat nih Kimo Media ah a chim.