Tedim Kahdohnak Ruang ah Tualchungmi 5 an Thi, Inn 50 Hrawng a Kaang Cang- Tedim khuachung kahdohnak ruang ah tualchungmi 5 an nunnak a liam cang i inn 50 hrawng zong an kaang cang, tiah thawng kan theih. Chin Unau Phu nih Tedim ah kahdohnak an tuah ni May 26 ah khan SAC ralkap nih hriampi in Muallun khua an kah caah pafa an rak thi. May 27 ah SAC ralkap nih an kahmi hriampi ruang ah ralzaam nu pakhat a thi ṭhan. June 2 zong ah SAC ralkap nih Tedim khua, Lawibual sang ah inn an khangh lawng si lo in tualchungmi pahnih zong meithal in an kah hna.
![](http://teachexclusive.com/wp-content/uploads/2024/06/tr.jpg)
June 1 in 4 tiang Tedim khuachung ah hriampi le meithal kah thawng a thawng a thang pin ah innkanghnak zong pehtlai in a um i atu tiang ah inn 50 hrawng a kaang cang, tiah tualchungmi nih an chim. Tedim khuachung i SAC ralkap sakhaan pawl cu May 26 thawk khan Chin Unau Phu nih doh hram an rak thawk i, SAC hmumkhuarnak pahnih an laak khawh.Kahdohnak ruang ah Tedim khuami tam deuh cu Kalay lei le kiangkap khuate ah an zaam dih hna, tiah theih a si. TheHakhaPost