Rung Lian Ceu nih raltha taktak in a chimmi cu, ‘Tu lio current dirhmun ahcun Laimi aa pai mi lakah cun a tthawng bik ka si ko. Zeitintiah Lai Champion patthawng Mang Ceu Lian, Uk Lian Thang, Biak Hmun Sang a teitu hna Venuzo ka tei caah a tthawng bik ka si ko tiah ka ruah. Naga pa Venuzo hi khel hnih in tei kaa tim tuk ko nain ka tei kho lo, khel khat lawng in ka tei khawh.
![](http://teachexclusive.com/wp-content/uploads/2023/12/Screenshot_8.png)
Tutan kan I paih ah hin Venuzo hi thiamnak siseh thazaang in siseh ka tei deuh ko tiah ka ruah. Nagaland kan I paih zong ah khan anmah paih in a ka nam chih caah ka rak sung. Kha lio zongah keimah nih thazaang siseh thiamnak siseh ka rak tei deuh ko tiah ka ruat ko‘ tiah a chim.
Matupi Myoma Palik Sakhan In Palik Pakhat Hriamnam He Mizapi Sin Ah Aa Fonh. Chin ramkulh, Matupi khua Myoma palik sakhan in palik pakhat cu nizan November 30 ni ah a hriamnam he mizapi sin ah aa fonh, tiah theih a si. Matupi khuachung Myoma palik sakhan ah rian a ṭuan liomi Yan Shin Aung, pumpak no. Lah/Lah 250286 cu G3 1, Kuanbawm 2 le kuanfang 104 i put in CDF-Matupi sin ah aa fonh.
Myoma palik sakhan in mizapi sin ah aa fonhmi Yan Shin Aung le a chungkhar cu CDF-Matupi nih biakhiahnak an rak ngeih cang bantukin tangka Kyats sing 50 an pek hna. Matupi peng chung SAC ralkap le palik vialte cu CDF-Matupi sin ah a rannak in i fonh dih ding in a hnu bik sawm kan in duh hna, tiah CDF-Matupi nih cathanh an chuahmi ah an langhter chih.
![](http://teachexclusive.com/wp-content/uploads/2023/12/Screenshot_4.png)
Matupi-Mindat Laemyu Lam SAC Ralkap Kakinkone Sakhan Kahdohnak Ah Ralbawi Pakhat Telh In Ralkap 7 An Thi- Chin ramkulh, Matupi khuapi, Matupi-Mindat Laemyu Lam um SAC ralkap Kakinkone sakhan cu nihin December 1, zinglei suimilam 9:00 hrawng ah CDF-Matupi nih an kah, tiah theih a si.
Kakinkone sakhan kahdohnak ah cun SAC ralkap lei in ralbawi Pyu Min Htet telh in ralkap 7 an thi i MA-3 2, MA-5 Pistol 1 zong an laak khawh, tiah theih a si. CDF-Matupi lei in hliampu um lo tein hnu an tolh khawhnak kong cu nihin December 1, zanlei ah an cathanh chuahmi ah an langhter. TCP