Chin ramkulh Tonzang khuapi ah SAC hruainak in December thla donnak ah Sweet December Cup min bunh in November 28-December 2 tiang Futsal Bawlung chuih zuamnak an tuah i ZRA nih runvennak rian (security) an tuahpiak hna. Cu bawlung chuih zuamnak ah Non-CDM, khuanu khuapa hruaitu le pastorte nih an telpi hna.
Kokang Hmunram, Shishan Kahdohnak Ah SAC Ralkap Battalion Pakhat An Ningpi An Thi Tiah MNDAA Chimnak Nawlngei Li Kyar Win Nih A Chim! Shan ramkulh chaklei, Kokang hmunram, Shishan kahdohnak ah SAC ralkap Battalion pakhat an ningpi in an thihnak kong cu MNDAA chimnak nawlngei Li Kyar Win nih cun fehter in a chim.
MNDAA ralkap cu nizan December 1, ah Kokang, Shishan hmunram chung hmunram thianhfelnak an tuah lioah SAC ralkap Battalion pakhat he an i kap i ralkap Battalion an ningpi in an thi, tiah theih a si.
“Kokang, Shishan hmunram, Shaukkai khuakomh, Wasuseih khua le Susaseih khua kar tlanghrawn ah hmunram thianhfelnak kan ngei i, cu hmun ah cun kaphnih kar kahdohnak a chuak i an zate in kan fimhlawm dih hna,” tiah MNDAA chimnak nawlngei Li Kyar Win nih cun a chim. TCP
