MDF nih cathanh an chuah mi cu lawmhpi tlak ngaingai an si. Cuhlan vialte ah MDF cu ralhrang doh aa tim mi an si lo, ralhrang he a si khawh chungin remnak ser a bawh peng mi an si. Tutan cu CDF Mindat he hmunkhat te ah ralhrang kan doh tti lai timi cathanh an chuah ve cang. Kumhnih renglo chungah Lailenpi ralhrang voikhat zong an kah bal hna lo, CDF Mara nih an kah hna hmanh ah kanmah hmunram chungah kahdohnak tuah hlah uh tiah a timi an si.
Atu cu Lailenpi ralhrang zong an um ti lo. MDF nih hin ralhrang hi an do taktak lai maw ti cu chim khawh a si lo. Kan theih bantukin MDF le CDF mindat, Tedim le CNO hi CNA thazaang a pe lomi, a dohtu in a dohmi pawl an si hna. Chinland Council zongah i tel a duh lomi pawl an si hna.
![](http://teachexclusive.com/wp-content/uploads/2023/12/j.jpg)