Rest In Peace Our Heroes-
- Salai David New@Joshuah (VCS,CNDF)
- Mai Sui Nuam Kim@A Nge
- Salai Amos Van Nei Lian@Amos
- Salai Mang Pu@Lah Pih
Nan pumpekawknak hmuahhmuah a lak a si hrimhrim lo ding! Nan thuanthu cu kan lungthin ah kan cing nung ringring ding! A mawi mi le zomtlak mi keneh neitu nan si! Nunnak tluk ih hlu mi ziang si a um nawn? Nan pekawknak hi kan ram hrang ah rohlu a si! FRC
Tualchung Hriamtlai Ṭangṭi Phu Nih Sekan Khua An Laak- Sagaing ramṭhen, Kalay peng ah SAC ralkap pawl nih an rak khangh i umhmun an khuarnak Sekan khua cu Kalay hmunram ah a cawlcang mi tualchung hriamtlai ṭangṭi phu nih nizan February 22, zan suimilam 11:00 hrawng ah an laak khawh, tiah theih a si.
A liamcia 2023 September thla ah SAC ralkap pawl cu Sekan khua ah lut in inn an rak khangh i thla 6 chung hrawng umhmun an khuar hnu ah tualchung hriamtlai ṭangṭi phu nih an kah hna i nizan zan ah Sekan khua um SAC ralkap pawl an zaam dih, tiah thawng laaknak hrampi nih an chim.
“Thlanglei tualchung hriamtlai phu pawl i fonh in an ṭangṭi i a tam zong an tam ngai, Sekan khua lawng si lo in Kalay peng hmunkip ah kahdohnak an pehzulh. SAC ralkap pawl nih khuachung ah an hmanh ta mi bomb pawl thianhfelnak an ngei hna,” tiah tualchung hriamtlai phu in chungtel pakhat nih a chim.
Sekan khua kahdohnak ah cun SAC ralkap 5 hrawng an thi i, CNDF ralkap Mang Pu nih ram le miphun ca ah a nunnak a pek ve.b A luancia February 21 ni thawk in Kalay peng hmunkip ah SAC ralkap le tualchung hriamtlai phu kar kahdohnak a fak i SAC ralkap hriamngan kah mi ruang ah tualchung mi thi le hliamtuar zong an um, tiah theih a si.