Bawi Hrin- FB– Nai Mizoram ah kan unaupa a thattu pali hna kha Rakhin mi an si lo. Chinmi, Nichuah Mara ram, Raka khua ah khua a sami an si.Nan fian deuhnak dingah cakuat in ka hawipa ka fianhnak tu hi rak rel te uh law. Rakhin mi tiah a dik lomi Information le media pawl tiangin a dik lomi Rakhin mi an si tiah an zamhmi a tam tuk ruangah ka rak post nak si. Pupa K. Zoasa (L) a thattu pali hna an information-
-
- 1. Le WIn- Apa Pastor Luther, Methodic Church, Rakâ Biatuhpa, Matupi Liva khua chuak
- 2. HLAN PUIA (THETHE)- Pu Pahmunga, Anupi paw, Bawm Phun, Rakâ khuasa hna i an fapa
- 3. HAOKAO (KOKO)- Pu Kahuei, Khumi phun, Rakâ khuasa hna i a fapa
- 4. MANASE- Hnezoah, Sangte Paw, Tlaikao phun, Rakâ khuasa hna i an fapa
Siaha Auto Rickshaw Khaltu Thattu Hna Cu Arakan Mi An Si- Central Lairam Lawngtlai 2024 Tangkhawng 25: Nihin 2024 Tangkhawng 25 ah Siaha mi thah kongkau ah kan nih Network for Unity Association (Mizoram) kan lung a tha hrimhrim lo. Arakan mi lainawn hna hi kan dohkalh hna i, ngaihchiatnak tong chungkhar kan in tuarpi tuk hna, tiah Network for Unity Association (Mizoram) nih cathanh an chuah.
Lainawngtu hna hi Arakan Army (AA) he aa pehtlaimi an si tiah theih an si i, Lawngtlai ralzaam camp ah ummi an si lo. 2024 Tangkhawng 20 ah an Bike 125 Kenbo chia cu ralzaam camp ah a part a um caah caw dingin lutmi an si. Myanmar ralzaam mi thiltuah bantukin thawngpang a than hi a poi ngai ngai. Hi lainawnnak tuahtu Arakan mi hna cu-1. Huku kum 17, 2. Lewe kum 16, 3. Ko Ko kum 16, Mizo holh thiambik a si, an dihlak in Arakan mi an si.
Myanmar ralzaam a si khawhchung in dirkamhtu siangngakchia bu, NGOs ( YMA, YLA, MTP etc) Mizoram mizapi cungah lunglawmh bia kan chim. Hi thil ruangah ralzaam mi cungah harsatnak a tlun lo nak ding caah Mizoram zapi kan in nawl pat ko hna, tiah Network for Unity Association (Mizoram) nih cathanh an chuah. The Lairam Times
Note- Thawngpang theih ning aa khat lo tinak a si. Zeidah a dik deuh lai timi theih khawh a si rih lo