Former Attorney General Bill Barr nih Donald Trump cu US president caah cun a zum lo ngaingai. A timi cu, Americans mipi nih Donald Trump hi president ah nan thim ahcun kan ram hi a thangcho kho lai lo. Zeitintiah a biachim le a lungput nih khin rampi thanchonak ca tiang a tlinh lo. Trump hi president ah nan thim sual ahcun US rampi caah zei he dah aa lawh ti ahcun Cawmpei ke bei bantuk khi a si lai tiah a ti.
Bill Barr hi khuaruahhar ngai pakhat asi mi cu, Trump a hua rua ti lio a tanh ngai than fawn. Nai ah Colorado supreme court nih Trump an khamnak kongah US Supreme Court nih a rannak in Colorado khuakhannak hi hrawh piak dingin a ti hna. Cu lawng hlah, Fox News nih interview an tuah lio ah Biden le Trump hi President i cuh than hna sehlaw a hodah vote na pek lai an ti tikah Trump ka pek lai, zeitintiah Biden administration hi a tha lo a ti hna. Bill Barr nih US president caah a duhmi cu Trump nih UN Ambassador ah a rak hman mi Nikki a si.