Tedim Khuapi Ah Kahdohnak A Chuak= Nizan May 26 zaan suimilam 10 hrawng ah Tedim khuapi um SAC ralkap sakhan cu PDF-Zoland le ṭangṭi phu nih an kah i nihin May 27 zing tiang meithal thawng theih a si. SAC lei nih vanlawng in bomb an thlak i tualchung mi in hliamtuar zong an um, tiah theih a si.
SAC ralkap nih Leilum sang le Leitawhtan sang lei ah hriamngan le hriamhme an kah caah tualchung mi cheukhat cu innlo chuahtak in an zaam hna, tiah theih a si. “Tuzing lei ah SAC vanlawng Y12 nih voi 8 bomb a thlak i, Jet fighter pakhat nih in voi 3 kahdohnak a tuah ve,” tiah tualchung mi nih an chim. Atu tiang ah ah khua mi pahnih fak ngai in hliam an pu tiah theih a si nain hliamtuar mi hi an tam deuh kho, tiah ruah a si.
Tedim khuapi kahdohnak kong he pehtlaih in ZFU/PDF-Zoland nih cun, “Tedim khuapi chung ah a um mi vialte nan umnak inn chuahtak in zaam sawh hlah u, mizapi innlo a him khawh nakhnga kan i zuam cuahmah, sungh zawtlaknak a zor khawh nakhnga kahdohnak kan ṭhumh deuh lai,” tiah mizapi sin thawngthanhnak an tuah.TCP
“Tedim an Kap” Chin Brotherhood pawlin mizan, May 26, zan nazi 10 ihsin Tedim khawpi ralkap hmunpi cu an kap thawk zo. Tuizing khawvang zawngah khal social media ah Video tampi hmuh ding a um. SAC lam khalin Jet Fighter thawn an kap nasa zo.
A liam cia ni 3 hrawngah khan doawknak um lo dingih mipi le ralkap khal himtei an um theinak dingah SAC pawl cu peaw dingin CB pawlin ca an rak pe zo. Asinan an pekawk duh lo ruangah Operation tuah a si.
Chin ralkappawl hrangah le Tedim mipipawl hrangah thla camsak cio uh si. (Chin Brotherhood ah hin ZFU/PDF Zoland, CNO/CNDF, CNC/CDF Mindat, MTC/MDF, CDF Kanpalet, CDF Matupi Bri 1 pawl an tel) Meifar Thuthang