CDF-Hakha president nih kahdohnak kong a chimmi cu a tha tuk. Amah hi pastor a tuan cangmi a si. Mipi cungah khua le ram cungah dawtnak a ngei bakmi a si. Hakha ralhrang kahdohnak kongah a chimmi cu, Hakha khuachung ralhrang hi kan nawr thluahmah cang hna lai. Kan kah hna lo ahcun ralhrang hi saupi an um lai caah kah hrimhrim an hau. Cun, kahdohnak kan tuah tikah kuan vaivuan ruangah mipi zong harhnak fahnak a tong sual khomi nan si.
Cubantuk can theihthiamnak kan ngei u. Kahdohnak a um tik zongah mipi nih khua nan chuahtak lai lo. Kan khuapi, kan inn kan chuahtak ahcun ralhrang le khuachia nih kan inn le lo an hrawh dih lai, cu pinah anmah kawl minung an ra kai lai I kan hmunhma an kan chuh dih lai caah khua hi zamtak hrimhrim lo ding. Inn le lo chuahtak a hauh le hau lo kanmah nih thawngthanhnak mipi sinah kanin tuah te hna lai.
Ral kan sungh sual ahcun ralhrang thazang thawn ruangah si loin a thli tein dalan tuanmi ruangah asi lai. Ralhrang sinah thawngpetu an um len ko hna. Cubantuk minung cu kan tlaih tik hna ah nan chungkhar nan unau an si sual zongah a ruahzia kan thiam te u tiah a chim.