Chin ramkulh thlanglei CDF Mindat cu Europe ram um Mindat K Cho hna nih meithal cawknak caah fund an kawl piak hna i kan hnu thla september 28 ah CDF Mindat pasaltha hna kut chungah meithal KA47 zun 40,Kuan rawnnak Magazin 120 le kuan 12000 an pek chanh hna nak kong cu CDF mindat nih thawngthanhnak le i pek chanhnak an tuah lio hmanthlak he tlamtling tein online ah mi zapi hmuh khawh dingin an tarlangh cang.
CDF-Mindat meithal cawknak ding caah tangka lei a tawreltu hna hi Europe ram chungah khua a sa mi hna international Mindat K’Cho Organization (IMCO), Heal the world le CEA(Norway) hna phu thum fonh in an chuahpi mi a si tiah an langhter chih.Meithal cawknak ding caah US tangka 185000 an hman.Ak zun khat ah US 3555 an hman tinak a si.
Hi meithal cawknak caah a liam cia 2022 in project hi rak kalpi a si i tikect zuarnak in US 70072.71 an hmuh.Asinain CDF Mindat pawl caan karlak ah dinei ca le a dang a herh mi caah US 58749.40 an rak hman cang.Hi hriam cawknak caah Dr Angein hruaimi Heal the world le CEA (Norway) hna nih US 35000 an bawmh ve hna.
Arau hlan ah AK zun 10 le meithal kuan 3000 hna zong CDF Mindat sin a phan colh than lai tiah an langhter chih.CDF Mindat a bawmh chanhtu hna hi an feltuk hringhran timi cu tutan an thil tuah mi cungah a tak in a lang.Adang hriam tlaih phu zong nih i zoh chunh awk ding caah an tlak tuk hringhran.