Mah ka zawn hi ralhrang captain Bual Peng Hakha khuahlun pa, voitam taktak CDM tuah ding in phone in an chonh nain CDM tuah a duh lomi pa an tlaihnak hmun a si. Hika ah hin a um I kan ralkap pawl a rak kah lengmang hna. Mah a umnak ah hin kan ralkap nih a nung in an thuamnak hmun a si tiah salai Vakok nih video clip in a langhter.
https://www.facebook.com/100089626879182/videos/pcb.333974446266782/1481141545791793
Laukkai Khuapi Cu SAC Ralkap Um Lonak Hmun Ah Phuan A Si Cang. Shan ramkulh chaklei, Laukkai khuapi SAC Regional Operations Command hmunpi (Dah-Kah-Sah) in ralbawi 6 le ṭuanvo ngei bawi 228 telh in ralkap, Pyituhsit le riantlai minung 2,000 leng nih an hriamnam chiah in Kokang ralkap MNDAA sin an i ap hnu ah Laukkai khuapi chung ah SAC ralkap pakhatte hmanh an um ti lo, tiah chaklei hriamtlai phu unau thum nih an thanh.
Cu pin ah Point 2022 in SAC ralkap chungtel 266 nih an hriamnam an chiah ve caah hriamnam a chiami an dihlak hi minung 2,389 an si, tiah chaklei hriamtlai phu unau thum nih cun an thanh. Laukkai khuapi SAC Regional Operations Command hmunpi telh in a pawngkam ralkap sakhan in ralkap a thong nih an hriamnam an chiah hnu cun Laukkai khuapi cu ralkap an um ti lonak, a himnak hmun a si, tiah chaklei hriamtlai phu unau thum nih cun an thanh.
Hriamnam a chiatu SAC ralkap chungtel a simi an chungkhar minung 1600 leng an i tel i MNDAA lei nih kal an duhnak hmun cio ah an kal khawh nakhnga an tawlrelpi hna lai, tiah an langhter. Hriamnam chiah in aa apmi ralkap chungtel vialte cu chaklei hriamtlai phu unau thum nih lunglawm tein an don hna, luh a duh ve mi ralkap hna zong nih zeitik caan paoh ah na kan pehtlaih khawh i nan ca ah innka kaupi kan on ko, tiah chaklei hriamtlai phu unau thum nih cun an thanh i, 1027 Operation kalpi a si hnu in SAC ralkap 550 leng nih an hriamnam an chiah, tiah NUG caan karlak President Duwa Lashi La nih a chim ve. TCP