Laimi nih Pawpi le Chiandeih bantuk in kan izohthla mi Salai Rung Lian Ceu nih nupi dawh taktak Ms. Sui Cer Cin a thit cang. Nihin March 9 thawk in Tlangval si ti loin Pu ti a si cang lai. Ms. Sui Cer Cin cu a vantha bak kan ti lai mu. Zeitintiah Rung Lian Ceu bantuk Laipa pumrua tha, nunnem le muidawh lawng hlah thianghlim tein nun a hmang mi le Pathian a bochan mi pasaltha a si. Bawipa nih chantlung tiang chungkhar fek le tha ah ser ko hna seh.
Kalaymyo Thlanglei Htomar Khua Ah SAC Ralkap Nih Vanlawng In Mei Bomb An Thlak= Sagaing ramṭhen, Kalaymyo thlanglei Htomar khua ah SAC ralkap nih vanlawng in mei bomb an thlak pin ah hriamngan he kahdohnak an tuah ruang ah inn tam ngai a kaang, tiah tualchung mi nih an chim. SAC ralkap pawl cu Htomar khua ah umhmun khuar an duh caah tualchung mi um ngam lo ding in vanlawng in kahdohnak an tuah i mei bomb an thlak pin ah Kalaymyo in hriamngan he kahdohnak an tuah, tiah tualchung hriamtlai phu nih an chim.
A luancia March 2 thawk in Kalaymyo pawng Thayagone le Htomar khua kar ah kaphnih kar kahdohnak a fak i SAC ralkap 8 an thih pinah minung 20 hrawng hliam an pu, tiah No.1 ralhmun ram um mi nih an thanh.
SAC ralkap nih Htomar khua ah vanlawng le hriamngan in kahdohnak an tuah caah Htomar khua tualchung mi cu khuachung ah um ngam lo in a kiangkap khua ah ral an zaam hna, tiah theih a si. Kalaymyo hrambunh (Dah-Kah-Sah Kalay) kuttang SAC ralkap umhmun an khuarnak Kalaymyo thlanglei sakhan pawl cu tualchung hriamtlai ṭangṭi phu nih a luancia February 21 ni thawk in an kah hnu in Kalay kiangkap ah kahdohnak a fak, tiah theih a si