Chin ralkap nih MDF Moto cu an lak piak hna i an sakhan hna cu mei in an duah piak hna ti thawng kan theih. Chin Reka /nawta MDF / naw Mawtaw cha amalapaha tapa thati theipacha acha MDF SaKha /chhaocha meita amaraopaha tapa thati theipa acha.MDF Reka /cha/ india /làta amarakhaiha tapa thati theipa acha. crd-MD
Kum 3 Chung Ah Bomb I Lamhsualnak In Chinram Chung ah Minung 33 An Thi I 52 Hliam An Pu- SAC ralkap nih hramhram in nawlngeihnak an laak 2021 February 1 in tukum 2024 February 1 tiang kum 3 chung ah SAC ralkap hmanh mi bomb i lamhsualnak in Chinram chung ah minung 33 nunnak a liam i, minung 52 hliam an pu, tiah Chin Human Rights Organization (CHRO) nih an thanh.
SAC ralkap nih an hmanh mi bomb i chuahsualnak in a thi mi lak ah kum tling lo ngakchia 5 hrawng zong an i tel i, minung 4 hrawng hliam an pu, tiah CHRO nih cun an langhter.”SAC ralkap nih hramhram in nawlngeihnak an laak kum 3 chung ah CHRO nih kan khawmh i fehter khawh mi ah minung 33 hi SAC ralkap bomb hmanh mi ruang ah a thi mi an si i, bomb hliam tuar ruang ah pum tlamtling lo ah aa chuah mi hna telh in minung 52 hliam an tuar,” tiah CHRO ṭuanvo ngei Salai Mang Hre Lian nih a chim.
Tuthla February 4 ni ah Chinram, Mindat peng ah SAC ralkap Khah-Lah-Yah 274 Battalion sakhan pawng inn dum pakhat ah leiphum mi bomb i lamhsualnak in kum 14 tleirawl nu pakhat a ke a bul i, kum 12 pa ngakchia pakhat a keng ah hliam a pu.Cu pin ah Tedim peng, Taingen khua ah a luancia January 26 ni ah kum 50 hrawng pa pakhat cu sia a kawlnak ah leiphum mi bomb aa lamhsual i a ke khatlei a bul ve. TCP