Chief Minister ka nih hnua a vawikhat nan Prime Minister Pu Narendra Modi chu a chenna inah ka hmu a. Inkawmna hun tha tak kan nei. Prime Minister hian duhsakna min lo hlanin inhmuh fo a duh tur thu min hrilh a ni. Mizoram hmasawn zelna atan kawng engkimah inhawng taka min thawhpui tur thu te a lo sawi a ni. Keipawhin Mizoram dinhmun leh hmathlir pawimawhte a hnenah hian ka thlen ve bawk.
![](http://teachexclusive.com/wp-content/uploads/2024/01/Screenshot_15.png)
India leh Burma ramri tuna kan hman mek hi a nghawng tur mipuite rawn lova British sawrkarin a siam kha a ni a, keini zofate tan chuan barhluih ramri, kan ram leh hnam min thendarhtu a ni ta a. Chuvang chuan vawiin thlengin pawm harsa kan ti em em a, rorelna pakhat hnuaia awm hi kan duh ber zawk a ni. Tuna raltlana lo chhuk (refugee) te pawh hi kan tan hnam hrang an ni lova kan unau, kan thisen zawmpui te an ni, chuvangin tha tak leh duat taka lo tuamhlawm hi kan duh a ni.
Akhand Bharat (greater India) project rual hian Greater Mizoram pawh kalpui ve kan duh hle a ni, tiin Prime Minister hnenah hian ka thlen a ni. Inner Line Permit pawh tuna kan kalpui mek dan aia tha zawk leh mumal zawk a awm thei nia ka hriat thu ka thlen a. Prime Minister hian proposal siama a hnena thlen turin min lo chah ve bawk.