CNDF ah comando hmin dum ciocio tin Cung Ngai tin na rak pe aw. Neta ah Zero tin na thleng sal. Nunnak pe in a kumkum in ram le miphun hrang na pe aw fawn. Nang cu kan hero rori na si. Feh sung ko law Naupa. Kan lo ngai in kan lo mang ringring ding kan paral tha Van Dawt Piang @ Zero. Cung Ngai
CDF-Daai Nih A Voi Nganak Raltuk Cawnnak Tlamtling Tein An Lim- Chinland Defense Force – Daai(CDF-Daai) nih a voi nganak raltuk cawnnak basic training an tuah mi cu nihin May 15 ah tlamtling tein an lim kong CDF-Daai nih an thanh. CDF-Daai nih tawlrel mi a voi nganak raltuk cawnnak basic training cu thla hnih chung an tuah i minung 100 leng an kai kho, training dih lawmhnak ah cun Daai hmunram zatlang hruaitu, CDF-Daai ralbawi hna le ṭangṭi phu in ṭuanvo ngei pawl an i tel kho, tiah CDF-Daai nih an thanh.
“CDF-Daai cu Chinram a vengtu a si i SAC ralkap nawlngeihnak a hram bongh in Federal Democracy ramkomh ser nakding ah pehzulh in kahdohnak a kalpi ding a si caah mizapi nih thazaang kan chuahpi in nan kutsamh rih in bawmhnak rak kan pe rih ko u law,” tiah CDF-Daai nih mizapi sin ah nawlnak an tuah. TCP