CNA le CDF Hualngoram Ralkap Pawl Kapthat Dingah Thupektu cu CNDF hotu leh CNO falam- Rih Myo (Rih Town) timi vengṭhen Rih le Ṭio khawpi vengṭhen sungah Hualngo hrinhnam pawl an tambik. Chin hrinhnam funkhawm in um khawmnak Town pakhat asi. Cumi Chin Tribe funtom umkhawmnak Town ahcun Hualngo hrin pakhat lawngin thuneih tum lo in hrin dang hmuahhmuah thawn ttangtlang in Mipi duhdan in kan uk ding.Kan fehpi ding ti a si. Asinan CNDF pawl in an mai duhdan lawng in fehpi tum phot ahcun thisen suaknak a tam sinsin thei lai.
Rih Town Area sung ahcun Chin hnam tampi umkhawm a si vekin,Rih/Tio khawsung ih a ummi,mipi pawlih duhdan in fehpi ding a si.Cuti silo in thisen thawn kan lei ding Falam peng a si tivek pungsan in meithal thawn Rih/Tio um mipi pawl hnenah CNO falam pawl in Tax tampi khuan in Ralkap vekin an uk beet tum a sile mipi hrangah ṭihnungza ralhrang ralkap thotho vekah a cang thei.
Tu ahcun CNF/CNA le Hualngoram -CDF in thisen thawn ralhrang an neh ih, Rih le Tio vengṭhen pahnih sung ih a ummi mipi pawl cu an kil sung hrih. Rih/Tio khawsung um Hualngoram a mipi pawl an hnangam zet hai. CNDF pawl in meithal thawn uk an run tum tikah cumi duh lo CNDF meithal ṭih in umtu khal Innsang tampi an um.
Cutiin Hualngoram mipi, Chin mipi zate leh Falam District sung mipi leh mipi ralkap sungih Cerek le Bomb ruangih dam lo nak a tuartu a um tikah ramsung Tio ihsin ramri Mizoram lamah ol ai ten tuamhlawmawk ding an fehsuk thei. Cumi cu tukar tlawngkai 6.2.2024 ni(2)ah khan CNO in fialmi CNDF ralbawi Salai Lian No homi ralkap pa(25)hrawng cu Tio ih inn pakhat ah hriamhrei thawn an lut buainak tuah an tum ciamco.
Cui an riaknak khua cu CNF/CNA leh Hualngoram-CDF pawl ih control zo mi khua a si ih, CNDF pawl hnen ah an va feh cih. Asinan CNDF ralkap pawlin “tlun lam CNO pawlin in fialmi a si ih Ṭio le Rih lam ah hmun va khuar uh in ti tin an sim. CNO pawl in politics leh hnaihnok ding timi Politics play nak an tuah ruangah Tio ih riakmi Salai Lianno tei pa(25)pawl ” cu CNA le Hualngoram-CDF pawlin CNDF falam riaknak hmun ah ra in va kir sal hmen uh, tui hlan khal ah hlim leh nuam zet in kan um ko, CNO pawl ih kanmai kapṭhattu ding menah hmang(အသုံးခ်)in Salai Lian No te an lo hmang hi nan lungfim thlang uhlaw an ti hai ih.
Cutiin CNDF ralkap thazang(25) pawl CNO hmanrua mah le mah thisen suakawk ding fialmi cu a ttha lo ti an thei sal ih Salai Lianno te(25)pawl cu Tio ihsin hmundang ah an kir sal. Curuangah tuitum ih CNA leh CDF Hualngoram ralkap pawl kapṭhat dingin thupek(command)petu leh hnaihnok tu pawl cu CNO Upa pawl an si.
Cun CNO upa pawl in CNDF ralkap pawl duhduh in an fial hai ih CNA, CDF Hualngoram,CDF Zanniatram pawl va kapṭhat dingin an feh ter. Curuangah CNO falam pawl politics a thei ngah ih Hualngoram-CDF, Zanniatram -CDF le CNA sung ummi Chin ralkap pawl leh Ngawn Unau ralkap ṭuan rero tu pawl nan pumpekawknak pawl kan lo upat tuk. Asinan CNO Falam Upa pawlih fialmi ” Mah Unau le Unau” kahawknak ding an fial mi ahcun CNDF ralkap pawl in tlunlam pawlih thupek a si hmanah kap hlah uh si.Unau Duhdawtnak thawn.
Ram hrangah pum kan pekawk mi cu ” Dik lo zetih thuneihnak latu” SAC ralkap donak ding hrang lawngah kan thisen le kan nunnak lawng kha pek zuam sawn uh si”. Mipi ralkap CNA,CDFs in neh cia leh kil rero lai Tio leh Rih lam va hnaihnok a tul lo. Mah Unau le Unau thahawknak dingih kan nunnak le kan thisen le kan Lu kan pekawk ding cu paammai a umtuk. CNDF ralkap tuan rero tu khal kan lungfim thlang seh.
#Ref: Salai Thang, Pu Chin, Chin Chin.