CO CIAMI KHAMHNAK A TLAU KHAWH TI LO NING FIANTERNAK (Exegetical, typological, psychological le theological arguments in ka langh ter hna) EXEGETICAL ARGUMENT (Bible Biafang in)
- 1. Ka kut (Pathian kut) chung i a ummi cu aho hmanh nih an ka chut kho ti lo (Jn. 10: 28-29).
- 2. Pathian cu kanmah lei i a țan ahcun aho nih dah a kan doh khawh lai (Rm. 8: 31)
- 3. Khirh chung i a ummi poh cu ser thar an si (2 Kor. 5: 17).
- 4. Fapa a zummi poh cu zungzal nunnak an ngei (Jn. 3: 16).
- 5. Jesuh chung i a ummi Pathian dawtnak he a kan țhen kho tu ding cu sermi thil vialte lakah a um lo (Rm. 8:38-39).
- 6. Ka bia a zum i a ka thlahtu a zummi cu thihnak in nunnak ah an lan cang (Jn. 5: 23).
- 7. Thihnak in nunnak ah kan lan cang tikha kan hngalh (1 Jn. 3: 14). (Kan sual nawlh ahcun Pathian kut chung in kan chuak nawlh la, ser hlunmi kan si nawlh la, zungzal nunnak kan ngeihmi a dih nawlh la, Pathian he cun sualnak nih a kan țhen khawh ko la, thihnak in nunnak ah kan lan cang nain kan sual nawl ahcun tihnak ah kan kir nawlh la, timi vilate hi Sehtan nih pastor le evangelist cheukhat hmurka in a chimmi a bia, awka asi).
TYPOLOGICAL ARGUMENT (Hmuhsaknak he Pehtlai in)
- 1. Noah buanchukcho lio ah khan long cu innka an khar cang caah aho hmanh chuah țhan khawh asi ti lo. Chuah țhan ai zuammi zong an um lo.
- 2. Lanhtaak tu thisen kha Israel mi hna inka tlungtlang ah an nalh dih caah fatir thihnak in luatnak an hmu. Ahohmanh nih ka duh țhan lo tiah an hnawt țhanmi an um lo.
- 3. Israel mi kha Rili Sen an tan hnu, ramcar an um lio ah khan Izip ah kir țhan an duh. Rili Sen nih akham cang hna caah an kir kho ti lo.
- 4. Raithawinak ah kum khat ah voi khat sațil an thah i kum khat chung an sualnak kha ngaihthiam an si cang. Ahohmanh, Pathian dantatnak ai thim țhan i ngaihthiamnak chungin ai leet nawlhmi an um lo.
PSYCHOLOGICAL ARGUMENT (Thluak ruahnak in)
- 1. Khamh cia mi hi hell ah tla țhan kho usih law, Jesuh thisen nih, kum khat chung zei sualnak poh ngaihthiamnak a pe kho tu saram thisen, hmanh a tluk lo tinak asi hnga.
- 2. Dinnak, felnak, izuamnak, Pathain nai tlaih pengnak ruangah khamhnak hi na comi asi ahcun mifel bak na si caah Jesuh na herh hnga lo.
- 3. Khamhnak na comi hi na thlau țhan khawhmi asi tiah na zumh ko ahcun, zeitindah khamh ka si i kai lawm tuk, lam lo in ka um kho lo na ti khawh? Hmailei ah na thlau i na sungh țhan khawhmi ah na ruah ko buin, khamhnak caah kai lawm i ka lam na ti ahcun mi hrokhrawl bak na si.
- 4. Khamnak hi kan thlau țhan khawh ko rih ti na zumh ah cun, zeitindah lih na chim ngam rih? Sualnak na tuah ngam rih? Min a hlen ngam rih? Pum lo in na um ngam rih? Hell tlak cu maw na duh bia asi?
- 5. Khamhnak hi nangmah nih na thlau khawhmi va si selaw, voi zeizah dah na thlau cang hnga?
- 6. Bible ning tein, zei bantuk sualnak tuah ah khin dah khamhnak cu thlau asi hnga?
- 7. Khamhnak hi na co i na hmuh țhan khawh lengmangmi va si selaw, vancung ah na min hi voi zeizah dah an hnawh cang hnga i, voi zeizah dah an țial țhan lengmang cang hnga?
- 8. Na sual caan poh ah maw, Jesuh pennak chung ah na um hnga i, na țhat caan poh ah Khrih pennak chung ah nai țhial țhan lengmang hnga? Cu ti i ițhial lengmang khawhmi cu maw Khrihfa hi kan si hnga?
- 9. Pathian hlawt i biaknak dang i luh ahcun khamhnak thlau khawh asi na ti hnga. Sui hmanh a hlonh siang lomi nihcun, an khamhtu Jesuh, cu na hlawnh siang hnga maw? Jesuh na hlonh sian tak ko ahcun, Judas Iscariot bantuk in a phungmen Jesuh zultu na si caah asi hnga.
- 10. A caan ah maw, tuu na si hnga le a caan ah meheh na si hnga?
THEOLOGICAL ARGUMENT (Pathian bia char ning in)
- 1. Pathian nih Sehtan pennak cung in a kan luat ter i amah pennak chung ah a kan chiahmi cu ni fatin tehte khan khawh asi.
- 2. Khamhnak kan co hnu ah kan tlamtling thlu kho lo. Cucaah biatak ah lam a kan hruaitu ah Thiang Thlarau cu kan chuangah a chiah. Cu, Thlarau in kan khah poh ahcun, sualnak ral cu tei khawh peng asi caah Thiang Thlarau in khat uh a kan ti.
- 3. Hell ah a kal țhan ko ti lo dingin Pathian nih a kan khmah caah Khrih nih a kan khamhnak cu lawmh lo awk a țha lomi khamhnak asi. Hell ah a tla than kho dingah ai ruatmi hna zeitindah nan i lawmh khawh? Hell ah a tla than khomi ah ai chiami nih zei cadah Bawipa rian hna cu na țuan ve?
- 4. Khamhnak kan hmuhnak cu zumhnak thawngin asi. Khamhnak ka cohnu ah kan nunnak nih Khrih cawnpiaknak cu a Thiang Thlarau bawmhnak in a zulhmi asi.