Mandalay ramthen Thapeikyi myone ah PDF le ralhrang fak ngaiin an I kap I ralhrang lei minung tam ngai nunnak liam an um lai zumh a si. Ralhrang meithal le hriam dangdang zeimawzat zong PDF nih an lak. Ralhrang hna hi Thapeikyin le Chaunggyi, leiin a rami an si. Lampi ah mipi ralkap PDF tatzin 509 le 510 nih an kah hna. Kahdohnak hi zanlei suimilam 2:30 in 6pm tiang achuak. PDF nih ralhrang meithal le hriam dang zeimawzat an lak tiah NUG nih alanghter.
![](http://teachexclusive.com/wp-content/uploads/2023/12/Screenshot_4-6.png)
Pastor Le Khrihfa Mi Hna Cu Remdaihnak Lamthluan Ah Karhlang Dingin Min Aung Hlaing Nih A Sawm Hna. SAC Chairman Min Aung Hlaing nih khrihfa hna caan sunglawi Krismas donnak cu 24 December ah, Pinmana khuapi um, Micheal Catholic Biakinn, Naypidaw ah a telpi hna i, Pastor hna le Khrihfa mi hna cu remdaihnak lamthluan ah karhlang in, i teltum cio dingin sawmnak a tuah.
SAC nih remdaihnak rian an kalpinak, remdaihnak tuah dingin rian an ṭuan cuahmahnak kong le hi remdaihnak lamthluan ah Pastor pawl le Khrihfa mi hna zong thazaang chuah chin in i tel tum cio a herh kong cu Min Aung Hlaing nih a chim. Zei bantuk biaknak paoh nih remdaihnak an duhnak bantuk in vawlei lei zong ah remdaihnak ser a herhnak kong le SAC nih remdaihnak an sernak lamthluan ah lam kaupi an hun i, zeitik caan paoh ah hriamtlai phu he remdaihnak ser an duhnak kong zong a chim chap.