Donald Trump – Nikki Haley Donor Apemi Poh Cu President Ka Tlin Tikah Nan Car dih Lai
Donald Trump nih Haley a bawmtu, donor tuah mi US mirum hna cu ralrin apek hna. Atimi cu, Nikki Haley campaign tuahnak ah a bawmtu sipuazi tama pawl vialte hna, iralring uh, Nikki donor nan tuah rih ahcun President ka tlin tikah nan caah innka khar a si lai. President ka thutnak ah bawmhnak hal in na ra te lai, cutikah nan nih vialte hna nan caah lam a pit dih lai, nan caah MAGA camp nih innka a khar te lai tiah Truth Social ah a tar. “When I ran for office and won, I noticed that the losing candidate’s ‘donors’ would immediately come to me, and want to ’help out.’ This is standard in politics, but no longer with me.
Kan theih bantuk in Nikki hi Trump nih president a rak tuan lio ah Ambassador to UN ah a rak hman mi a si. Caan tlawmpal a tuan hnu ah Nikki hi amah tein rian aa din mi a si. Atu hi mipi nih an uar ngai ngai ve mi asi. Nain nihin tiang poll tuahmi ahcun Trump nih a tei thiam ko. Republicans Party in Trump le Nikki lawng hi beisei mi an si cang. Nihin tiangah Trump nih Nikki cu ilet ko tiah ka khat hmanh phungning tein chonh biaknak a tuah bal rih lo. ET
Tigyaing Peng Nithum Chung Kahdohnak Ah SAC Ralkap 14 Nak Tlawn Lo An Thi Cang — Sagaing ramthen, Tigyaing – ထီးချိုင့် peng khuapi ah hram a bunh mi SAC ralkap cu KIA, AA le PDF hna nih January 22 ah offensive in an kah hna caah kahdohnak a fak ngai tiah theih a si. Tigyaing khua khatlei tiva ral kam um Myant Taung lamton ah SAC ralkap pawl cu January 23 zing ah mipi ralkap nih an kah hna, SAC lei mi 10nak tlawn lo an thi. January 24 ni zaanlei kahdohnak ah SAC lei 4 an thi ṭhan.
January 23 ni zing kahdohnak ah SAC vanlawng kahnak in PDF 2 nih ram caah nunnak an pek.
Tigyaing khua ah November 6, 2024 ni thawk in SAC le mipi ralkap karlal kahdohnak an um cang.
SAC ralkap nih Tigyaing khua Myat Thein Tang tlang cung ah hmunhma an lak. Khuachung sang kip ah SAC lei nih hriamngan, vanlawng kahnak le mei an khangh ruang ah inn a rawk mi an tam ngai.
Kahdohnak a um hlan ah tualchung mi a zaam mi an um, cheukhat cu kahdohnak in an thi mi zong an um. Atu ahcun Tigyaing khuachung mipi a um mi an um ti lo. Ralzaam in an um dih cang tiah theih a si.
Tigyaing khua kahdohnak hi KIA, AA le Tigyaing le pawngkam mipi ralkap nih an tuah mi a si tiah Unau hawikom phu 3 thawngthanhnak in theih a si.TCLP