Nihin ah Hakha City Council nih mino hna sinah sawmnak cathanh an chuah ve. An timi cu, SAC ralhrang nih February 10.2024 ah cathanh an chuahmi People’s Military Service Law of 2010 cu Hakha City Council nih kan doh. Hibantuk mi zapi zalonnak le himnak a hnorsuangtu ralhrang an riantuannak phung cu kan cohlang lo. Hakha City Council nih mi zapi humhimnak le dirhkamhnak kong he pehtlaiin a tanglei bantukin sawmnak le theihternak kan langhteh than.
- CDF-Hakha, Brigade 4 le HCC riantuannak nih lungthin a thlek kho cang mi mino hna lunglawm tein kan in don hna. Miphun le ram nih na sining le na thanzaang a herh zungzal.
- Himnak hmuh ding lam a kawlmi nan caah cawlcanghning, thutdirnak le kal umnak kong hna zong timhlamh asi.
- Hi riantuannak he pehtlaiin a lam kip in bawmh a herh lai caah pumpak, chungkhar, bu le phu in dirkamh ding zong kan in sawm hna.
- Aherh ningin page ah pehtlaihnak ding number le theihternak kan tar chap te lai tiin miphun hawi mipi/mino sinah sawmnak an tuah.
