Hakha Khuapi Bank Pathum Ah Tangka Chuah Ding A Um Lo Tiah Tualchung Mi Nih An Chim. Chinram khuapi Hakha ah tangka chuah ding a um ti lo caah Hakha ummi hna le khuate lei ummi hna cu an har ngai, tiah tualchung mi hna nih an chim. December 27 ah Hakha KBZ Bank ah tangka chuah dingin a kal mi hna cu tangka chuah ding a um ti lo tiah Bank lei nih an rak ti hna. “CB Bank le Ayeyarwady Bank zong ah tangka chuah ding ah a um ti lo. Zeitik ah dah chuah a ngah te lai ti cu a fiang lo,” tiah tualchung mi pakhat nih The Chin Post ah a chim.
![](http://teachexclusive.com/wp-content/uploads/2023/12/76.png)
“Tangka chuah a ngah tikah Bank innka kam ah ca kan taar lai i rak zoh ṭhan te u an kan ti. Zeitik ah dah a ngah tiin kan hal hna zong ah a ngah tik caan kan hngal ve rih lo an kan ti,” tiah KBZ bank i tangka chuah aa tim mi pakhat nih cun a chim chap. Hakha khuapi Bank pathum ah tangka chuah ding a um lo pinah cheukhat agent hna sin zong ah ramdang in kuatmi tangka chuah a har pah i tangka kuat man zong a kai ngai, tiah theih a si.