Thawngthanhnak- 2024 April 15 ah Quantum Project in Hakha, Thantlang, Zophei le Lautu CDF hna nih Rungtlang ah drone in bomb voi thum kan thlak i ralhrang a thi le hliam an um tiah kan theih. A dikthliar cu kan thanh than te lai. Chinram ralteinak caah Rungtlang hi tei a herh caah Rung Operation zong kalpi cuahmah a si. Ramchung le ramleng mipi vialte tang ti rih hna usih. Ralhrang SAC le a minung pawl cu hohmanh hnangam tein dinh caan kan pe ti hna lai lo. Caan rau lo ah kan tei lai.Chinland Defense Force – Hakha
Kachin Ram, Danai Peng Ah Ralzaam Ngakchia 5 Ti Ah An Paam– Kachin ramkulh, Danai peng, Nambyu khua tiva ah kum tling lo ralzaam nu ngakchia 5 cu nizan April 14 ni ah ti ah an tla i an zate in an nunnak a liam, tiah tualchung mi nih an chim. “Nambyu tiva ah a paam mi ralzaam ngakchia cu Ja Htwe Pan(kum 13), Noenoe Mai(kum 11), Ja Sai Taung(kum 9), Ywai Taung(kum 12) le Ja Sai Mai(kum 7) an si i minung 4 ruak cu char a si cang nain ruak khat belte an hmu rih lo,” tiah Danai khua mi nih an chim.
“Nu ngakchia tete cu i kholh ding in tiva ah an kal i ti an dehnak ah ti a thuhnak lei ah an kal sual caah atu bantukin thil a cannak a si, ruak 4 cu an hmuh cang nain ruak khat belte an hmu kho rih lo,” tiah Danai khua mi pakhat nih cun an chim. Nambyu khua ah aa dor mi ralzaam 200 hrawng cu kahdohnak ruang ah a liamcia 2020 thawk in Ngwepyau khua thar in aa dor mi an si, tiah an chim. TCP