Palestine ralhrang phu Hamas pawl nih Gaza khuapi in Israel ram cu nizan October 07 ah Rockets thongkhat lengin ruahlo tuk in a kah hna caah Israel ah minung 200 an thi cang i Gaza ah minung 232 an thi ve cang tiah theih a si.Tuzan Palestine hralhrang Hamas pawl nih Israel an kah mi hna hi cu ralrin pek hmasa nak zeihmanh um lo bak in an kah hna tikah Israel ram caah puicimhnak ngan ngaingai a si tiah an chim.
Israel Prime Minister Benjamin Netanyahu Gaza khuapi chungah a um mi minung hna cu nan umnak hmun chuah tak ulaw a himnak hmunah kal cang uh,Gaza khuapi chungah Hamas ralhrang pawl an i thuh lai kan ti mi hmun poahpoah kan kah cang lai tiah thawng a thanh hna hnu tlawmpal ah Israel ralkap pawl nih Gaza khuapi chung i innsang pipi pawl cu Jet vanlawng hmangin Bomb in a kah ciammam i vutcang ah an cang dih ko cang.
![](http://teachexclusive.com/wp-content/uploads/2023/10/13-1.png)
Israel cu Palestine ralhrang kut a vun tuar tikah US nih a vun dirkamh colh.Antony John Blinken nih Palestine President Abbas cu a mawhchiat colh.Daihnak a um than colh nak hnga tuanvo na lak awk a si tiah a vun den colh.Israel nih a himnak ding caah i vennak dingin tuanvo a ngeih bantukin a lehrulh mi hna a si tiah a Israel dirkamhnak bia a chim colh.US President Joe Biden nih vawlei cung theih bakin Israel a dirkamhnak kong a vun chim ve. US cu Israel a hnuah kan um peng lai.Sunghnak a hmuh mi le fahnak a tuarmi kan duh lo.Israel harnak a pe mi poah cu ka ral nan si ve colh,a hohmanh nih Israel harnak nan pe kho lo tiah a chim colh ve.
Palestine Hamas ralhrang rual hna nih Israel mipi le ralkap pawl an tlaih mi hna an hremmi hna an um leng tiah Israel ralkap leiin an chim.Cu hna chanh chuah khawhnak ding caah Israel ralkap pawl cu biatak tein an i zuam cuahmah lio hna a si.Hamas ralhrang hruaitu Haniyeh nih Israel ram cu a ralhna kutin i vennak a ngei ti lo tiah zei rello nawn in a chim ve cang.Hihi kan ral teinak pakhat,kan hlawhtlinnak a si tiah lunglawmhnak a chim ai.
Buildings collapsed after Israeli air strikes rocked the Gaza Strip following a surprise assault that combined gunmen crossing into Israel with a barrage of rockets fired from Gaza https://t.co/z4uQALyMYI pic.twitter.com/JMOxYL0LdH
— Reuters (@Reuters) October 7, 2023
Israel ralkap pawl nih fiang tein an chim mi cu Palestine Hamas ralhrang pawl hi Israel mipi hna sinah siseh,an mah nih an tlaih rih mi hna Israel minung hna an hremnak hna hmun ah an i thup dih ko hna tiah an chim.
![](http://teachexclusive.com/wp-content/uploads/2023/10/w.png)
Israel ral a si mi Iran ram ruahnak petu Ayatollah Ali Khamenei nih Palestine ralhrang Hamas pawl nih Israel ram an tuk mi cungah a lunglawmhnak a chim i,a thangthat ngaingai hna.Hamas cawlcangh ning hi a hlan bantuk si loin an thangcho ngaingai hna tiah a thangthatnak hna a langhter.