India-Myanmar Ramri Kulhnak Ah Dollar 3.7 Billion Hman Lai- The Lairam Times – Dated Central Lairam Lawngtlai, 2024 Vaute 28: India – Myanmar ramri KM 1600 leng caah kumhra chung ah kulh ding in timhlak a si i, India ram nih Dollar Billion 3.7 a hman lai tiah Reuter nih a langhter.
Myanmar ram in India ram ah phungning lo in a lutmi hna khamnak caah ramhnih kar ramri cu tu bantukin kham dingah India nih aa tim. Ramri kar rak i pehtlaihnak le zalong in luhchuahnak cu India nih tukum thawk khan hrawh dingin timhnak a ngei.
Myanmar ram thlanglei ah Myanmar ralhraang le tlangcung hriamtlai kar ah kahdohnak a chuak i, ralhraang pawl telh in rammi a thongthong in India ram ah an lut tiah thawng a hung len sinin India lei nih ramri kham ding tiah a au a colh ve. Cozah chung ah ramri khamnak i hman dingmi an fehter cang i, India Prime Minister Narendra Modu cozah nih fehter lawng aa du cang tiah Reuter nih a langhter.