Russia khuapi Moscow, minung tam taktaknak hmun Crocus City Hall chungah a ummi minung hi 6000 hrawng an si. Nuam taktakin concert hlasaknak puai hlunghlai taktak in an tuahnak hmun ah ISIS minung 2 an lut I mipi cu meithal in an kah thluahmah hna. Meithal kah lawng an I lungsi lo bomb an puah chap rih. Bomb le meithal kuan ruangah minung 133 an thi i 140 renglo nih hliam an tuar.
Hliamtuar cheukhat cu an fak ngaingai tiah report nih a ti. Thah nawnnak a tuahtu lunghrinhmi minung 4 cu meithal he tlaih an si I atu tiangah hi thil he pehtlaihnak a ngeimi tiah ruahmi minung 11 cu tlaih an si cang tiah Russia’s Interior Ministry nih a chim tiah BBC le Aljazeera thawngzamh nih an chim. Media cheukhat nih cun hliamtuar hi minung 150 hrawng an si tiah an langhter ve.