Joshua “ The Fearless “ Van vs. Felipe Bunes cu Las Vegas ah UFC Fight Night ah a si ii mah ii Fiang tein ka hmuh mi cu Joshua hi kan Pathian nih 100 ah 100 a um pi timi a si . Nov 11 ii UFC 295 NYC aa thuat ii Houston a kir hnu in a zaw peng. Zarh hnih chung hrawng gym kal Kho lo in a zaw.
A tu UFC Fightnight thuat ding a cohlan ahhin a aw hmanh fiang tein ka thei Kho lo tlangrai in a zaw thiam rih. Thuat nak Zarhkhat aa duh ah an cinh nak ah a ke aa khawn ii kal Kho lo in a um. (Ka nu nih tisa in a dih piak). Las Vegas kan phak hnu a weight aa thlak lio ah a zaw than ii voi dang bantuk in Recovery a tuah Kho lo.
A mah nih a chim mi cu “Face off kan tuah lio ah Kar 10 hmanh ka kar ah ka tlu hnik, ka weak tuk ka u” a ti. Night before ah kan chung tein a hotel ah kan va tin ii thla kan cam piak ah hin elevator ah a lungmit ii dinner zong a kal Kho lo. Bawipa sin ah dong cat lo in thla kan cam. Tei nak hmuh cu kan duh si nain aa khon lo nak ding thla kan cam bik.
Lai mi vialte (kan neih niam he mi sing) sin he tam bik ka theih mi cu, “Josh Van caah thla kan cam piak”. Bawipa nih a um pi lai… Thla kan cam ti peng hi a si. Tu ah Tei nak a hmu. 100 ah 100 Pathian a si. Thlacam piak tu kan Bawipa nih kan aw a theih. Mi phun a cawi sang tu Pathian a si. Lai mi vialte kan dih lak in kan fa nau caah thla cam piak ko hna u sih. Lung Rual tein thla kan cam nak hi Pathian nih a theih hrim hrim. Bawipa min thangthat si ko seh! Sui Olivia