Mipi Ralkap Nih Khaikam Le Kalay University An Lak, Mipi Ralkap Nih An Lak Cang Mi Sekan Khua Ah SẮC Ralkap An Lut Than I Inn An Khangh, Sagaing ramthen le Chinram ramri ah a um mi Khaikam SAC sakhan le SAC ralkap hmunhma an khuarnak Kalay University cu nihin ah mipi ralkap nih an lak khawh cang tiah kan theih.
Tutan Kumaing (9 miles) kahdohnak ah CNA ralkap pahnih le CDF-KKG ralkap pakhat an nunnak a liam. Mipi ralkap nih an lak cang mi Sekan khua cu SAC ralkap tamngai nih an luhhnawh than i inn zong an khangh len. Letpanchawng lei zongah kahdohnak a fak rih tiah theih a si. TCP