Lailenpi gate hngak Chin ralkap cu MDF le AA nih an kah than hna caah CNA pasaltha minung 4 nunnak a liam. Nunnak a liammi hna chungah minung fian khawhmi 3 hna cu,
- 1. Salai Lian Bik Cung (Zaangtlang khua)
- 2. Salai Bawi Kam (Loklung khua)
- 3. Benjamin Ram Tum Sang (Farawn khua) hna hi an si
MDF nih CNA Athah Hi Cu Apalh Rumro Ko==Min Aung Hlaing uknak a lakmi caan tha ah ilak riangmang in CNA nih nawl nan kan ngei kho ti lo, kan peng kan tlang chungah ra ti hlah uh, chuak dih uh tiin sa le ral lakah kum 30 renglo nunnak pekin fikfa cangvat lakah nilin ruahsur harnak phunkip tuar in nunnak pemi CNA a thol i athat ngamtu Mara unua MDF lungput hi cu mu…
Min Aung Hlaing tei hnu ah dakaw Mara Myone/Autonomous cu Chin cozah ah hal awk asi cuh. Cuti tlam atlinlo belte ah pei aherh ahcun tiin cawlcangh ding asi hnga cu tiah. Mara unau vialte Myone hmuh khawhnak hnga tiin heh tiah CNA nih Min Aung Hlaing ralhrang an doh, nan nih MDF nih heh tiah CNA tu kha nan thah ve hoi hna..Nanmah an sehtu ding sahrang, an cutu ding rul an thah piaktu lila kha nan thah than hna mu…
CNA nih hin chimh nan ngailo, nan ninghngal, nanmah cawngthai in nan thai tiin chimh cawnpiaknak um loin MDF hriamtlai hi inkap hna seh, in that hna sehlaw nihin MDF thil tuah hi an mawhlo hlah maw ti ding a si men hnga. Cubantuk pakhat hmanh a um hlanah MDF nih CNA nan that hmasa hna, athi cia ruak hmanh zohngamlo tiang in nan tuah. Tutan ah hi zatzat nan thah rih hoi hna… CNDF le CDF Mindat an i tel ve hnga dek maw…
Min Aung Hlaing uknak hmanh dong sehlaw, Mara kan unau hna hi hmunkhat te ah nan ifun kho ti theo lai lo. Zeitintiah nihin nan tuahsernak hi ahang akha tuk cang. Ningcang loin mah unau thisen nan chuahnak nih Mara miphun hi hmunkhat ah an funtomter lotu tuahsernak asi kho cang.