MDF ah training kai cio dingin MTC nih sawmnak a tuah. Sawmnak cu hitihin a si, “Mara ram, miphun le khua hna kilven I a him khawhnak hnga Mara mino a simi nangmah le keimah kan biapi lio can te a si. Mara ram le miphun ven hi a can nih a ngeih. Kan duh tik poh ah tuah le khan sawh sawh awk a tha lomi a si. Cucaah atu hi kanmah Mara miphun caah can tha, can rem bik lio can a si caah 2nd Batch Basic Military Training ah zeihmanh el hnialnak um loin na rak kai hrimhrim nak hnga theihter na si” tiah a ti.
Mindat-Matupi Lampi Ah Rallam A Sial Mi SAC Ralkap Pawl CDF-Matupi Nih Bomb An Puahhnawh Hna. Chinram, Mindat-Matupi lampi lei ah Matupi khuapi hrambunh Khah-Lah-Yah 304 in SAC ralkap 100 hrawng rallam a sial mi cu CDF-Matupi nih bomb an puahhnawh hna i minung 6 hliam an pu, Chianpian (B) khua cu a ningpi ti tluk in an khangh, tiah CDF-Matupi nih nizan February 2 ah an thanh.
Khah-Lah-Yah 304 in SAC ralkap 200 hrawng cu February 1 ni ah Mindat-Matupi lampi cung Chianpian (B) khua lei ah rallam an sial i CDF-Matupi nih bomb an puah hna hnu, nizan February 2, zinglei suimilam 8:00 hrawng ah an thinhun lung in Chianpian (B) khua cu an khangh, tiah theih hna.
SAC ralkap 200 chung in a zatceo hrawng cu Matupi khuapi lei ah an kir cang nain minung 100 hrawng an taan rih caah CDF-Matupi he zeitik caan paoh ah aa kap kho mi an si bantukin tualchung mi zong nih Matupi-Mindat lampi hmang rih lo ding in le ram ah kal rih lo ding in CDF-Matupi nih tualchung mi cu ralrin an pek hna.
Matupi khuapi hrambunh Khah-Lah-Yah 304 Battalion cu a liamcia 2023 December thla chung ah Thebuai sakhan a chuahtak mi SAC ralkap nih thazaang an chapnak Battalion a si pin ah tukum 2024 January thla chung ah Sami khuapi no.2 Byuha sakhan a chuahtak mi SAC ralkap nih thazaang an chapnak Battalion a si.TCP