MDF Mara Defense Force nih a donghnak warning peknak cathanh an chuah than. An cathanh ah fiang tein an langhter mi cu, “Kanmah MDF control nak hmun ram chungah zeibantuk hriamtlai hmanh kanmah nawl loin luh chuah khawh a si lo. Cu caah dohthlennak a tuah mi pakhat le khat karlak ah buainak a umnak hnga lo ralrin peknak a donghnak cathanh kan chuah” ti a si.
MDF nih cathanh an chuah ning tein tuanvo an lak I an tuan taktak ko ahcun CDF-Mara ca cu um rih seh, CNA hmanh nih MDF nawl hmasat hnu ah Mara ramchung luh hau phun a si cang. Cathanh an chuahmi nih a hrin ding aphi chuak cu, Mah le mah karlak buainak, aherh ahcun meithal puah tiang a chuak khomi a si. Kan theih bantukin MDF cu AA le CNDF he alliance tuahmi an si, a tu zong AA he i bawm in CDF-Mara B-4 hruaitu lutlai 2 telh in minung 4 an tlaih hna i nihin tiang an thawngpang theih khawh a si lo.
