MDF nih naite ah Paletwah lei um CDF Mara pahnih an tlaih hna i, hun la hna uh an ti i a laak ava kal mi pahnih an rak tlaih chap hnanak kong CDF mara cathanh ah a lang.Mah lengah Jan 18 zan ah Lailenpi khua pawngah MDF 42 an ra i CDF mara pahnih le an meithal zunkhat he tiah an tlaih hna i an kalpi hna tiah kan theih.
MDF nih CDF mara paruk (6) an tlaih hna nak kong pawngkam mi sinin kan theih. Note, AA sinah raltuk in meithal a va hlawhfa mi dihlak nih kan theih le tuah dingmi cu, raltuk in meithal nan va hlawhfa mi hi ralhrang dohnak ah siseh, mah le mah puarthau tluangkhawnnak i, kan hman sual ahcun Chinnu khuazing hna kan tla lo tuk sual lai. salai WH
Biapeh- MDF nih Mara ramchung mipi nih cohlan mi cu kanmah hi kan si caah Mara ram cu kanmah nih ukmi penmi a si tiah an ti. CDF Mara cu Mara ramchung khua hnih thum te nih dirkamh mi an si ti a si. Nain ramchung dohthlennak zohtikah CDF Mara cu CNA/F nih amah he riantuanti dingah a cohlan mi le a dirkamh mi asi caah Chinland Council kong zongah CDF Mara cu tuanvo ngeitu pakhat ah an i tel cang. MDF/MTC cu Chinland Council ah um duh lo in AA he riantuanti aa thim, CNDF he khuakhan ti cu a duh deuh.
Tulio an cathanh chuah mi le CDF Mara ralkap minung 6 an tlaih mi hna kong ruah in MDF nih hin AA le CNDF he i bawmin CDF-Mara hloh khawhnak ding lam a phunphun in dap dawh an si. Meithal in kah lawng si loin a minung hrimhrim tlaih dih khawh ding zong hi MDF strategy biapi ngaimi pakhat a si kho. CDF Mara hi biatak tein hriamtlai dang le CNA zong nih MDF le AA lakin a ven bak hau cang.
t