Chinram nichuahlei Mara hmunram Salytla Camp cu MDF le AA I bawm in an lak khawh cang. Ralhrang a ummi hna cu surrender dingin an chimh lengmang ko hna nain an duhlo caah Jan.1 in kah hram an thawk hna. Jan. 2 zanlei suimilam 5:20pm ah ralhrang camp cu an lak khawh. Ralhrang cheukhat cu Camp ah a thimi an um I tam deuh cu Camp an zam tak.
Camp in a zammi hna cu pehzulh in an dawi hna I Jan. 5 ah India ramri pawngah fak ngaiin an I kap than. Cu lio ah ralhrang minung 6 an thi I 10 hrawng hliam an tuar. Ralhrang hna cu India ralkap nih Lopu khua ah an lak hna. Ralhrang dihlak minung 100 renglo an si. Salytla Camp an lakh nu in MDF le AA nih flag an tar ve. Atu hi MTC nih Salytla cu a kutchung ah a chiah ve cang caah VAC dirh colh a si lai tiah Mara ca in an tialmi cu a tawinak in ka vun langhter chin. Atang ah Mara in tialmi a um-
MARALAND DEFENSE FORCE NATA ARAKAN ARMY ZY APAKAOHPA TA SALYUTLA BURAMA PHEISAIH CAMP ADYUH PAHNIE-Nochhi Mara râh chhôh liata Burma pheisaih Camp lai chaipa Salyutla Camp cha Maraland Defense Force nata Arakan Army zy apakaohpa ta târi 2 Nawh, 2024 @ 5:20 Pm khata adyuh pahnie thei hapa nata Mara poh nata MDF poh zawh thei hapa a châ.
He Pheisaih Camp he 2023 pa Di thlathaopa rakha tawh khata dôh pathaopa châ ta, a surrender awpa ta biepiepa ama zy leipa vâta a zyh zyhta ta ka pathao lymâpa châ ta, daihti eima piepa a chhâ tawhta Târi 1 Nawh, 2024 mydi tawhta pathaopa ta Camp angiahnaopa ta ka lymâpa a châ. Burma pheisaih ta Camp la thei lei awpa ta zawtheina chi nano nanopazy nata Meithei laipazy thata hmâh hra sala, Abeipa baona vâta adyuhna cha a noh 2-na liata pahniena to thei hapa a châ.
Meithei a lai a chyhpa chi nano nanopa zy, Charih-zaithy chi nano nanopa zy nata Pheisaih chhaichhi hluhpi la papua theipa a châ. Burma pheisaih thokha cha ama Camp liata thi ei ta, a hluh via deikua Camp puasaipa ta amâ râ haw. Amâ râna lâpizy liata Zawtheina tawhta Meithei laipazy hmâpa ta riahvaipa laih ei ta, India râri su nano nanopa lâta amâ râpaih khai haw.
Eima pheisaihzy chhao kaw chadai lymâ ei ta, Târi 5 Nawh, 2024 khata BP 14 (India-Myanmar râri) liata phapa ta adyuhna thata a y heih. Cha adyuhna liata Burma pheisaih manôh (6) thi ei ta, manôh (10) hlei patu papua heihpa ama châ. Atâhpazy cha Notla Mara râh Khaikhyh, Lopu khih zy lâchhâh heta amâ râpaih khai ha bâ. Cha Burma pheisaihzy cha 100 hlei pha ei ta, Târi 6 Nawh, 2024, zâhnia khata Lopu khih liata Assam Rifle zy ku lâta akei chhai ei ta, atanoh he Laki lâ ama siekhei haw tahpa ta thâtih daopa a châ.
Atahmâ cha eima pheisaih nawh ta Salyutla Camp rie hâ ha bâ ei ta, Salyutla khih chhao he MTC sawhkhâ avaona ry liata VAC khi (49) hry ta pahlaopa ta ryurei bâ awpa nata VAC padua bâ awpa a châ.
Eima pheisaihzy atlâhpata pahniena ama topa alykheina nata Abeipa lâ alyna bierei thlachhâna hneikhei awpa ta MTC liata hriatuhpa President, General Secretary, ES (LJSPRD), ES (CARRD) nata ES (ED) zy chhao Salyutla lâ sie papuapa ta thlachhâna nata niepahmaohna hnei patlô thei hapa a châ.
Khazoh photly Mara phopi heta tovyuh kipa eima hmô hlâlei nata Federal Democracy eima hmô hlâlei la MTC/MDF he a chalih beih aw vei, chhâna taihta eima sie papua lymâ aw; Mara zawpi zydua chhaota palôh pasoh kawpa ta maniah namâ duakhei lymâ awpa eima châ haw hmeiseih.”For God, Maraland & Mara People”Alliance Affairs, Information & Publicity Department Maraland Territorial Council-update