CNA Le CDF-Mara Sinah Thawngpek Puh Ruangah Khuabawi Le A U AA+MDF Nih An Tlaih Hna- Lailenpi khua pawng Mararam Pasen khua khuabawi le khuami pakhat cu CNA le CDF Mara sinah thawngpang na pek ti ruangag AA+Maraland Defence Force nih an tlaih. Pasen khua khuabawi Pu Kyaw Aung le a u Pu Ra Khe cu Vaute 9 zaanldi ah MDF nih an tlaih hna i, nihin tiang an thlah rih hna lo.
Thawng a pek ko ti fianternak kan ngeih cang, cucaah khuachung ah chia lo in kan sinah kan kalpi, a ruang cu kan humhimnak caah a si, chikhat te kan kilkawi riah’ tiah AA+MDF lei nih an chim. AA+MDF pawl Pasen khua an phanh ah khuabawi pa le a u nih CNA le CDF Mara sinah thawng an pek ti thawng kan theih zarhhnih hnuah kan fehter khawh caah kan tlaih hna tiah MDF lei nih cun an chim.
Pasen khua khuabawi hi khuami nih thimmi a si, CDF nih khinhmi a si lo, a upa zong ramkhel he aa pehtlai mi a si lo, tiah Pasen khuami nih an chim.’ Sualnak ngeilo mizapi cungah hriamnam tlai nih tlerhkhonh hi lung a tha lo, atu tiang an thawngpang kan hngal lo, miphun luatnak ding i zuam cuahmah lio ah zapi tlaihkhih cu kan duh lo, nungdam in an thlah khawhnak hna hnga hi kan duh bik’ tiah khuami nih cun an chim.
AA+MDF thazaang 50 hrawng hi Pasen khua an phanhnak zarhhnih leng a si cang. AA+MDF nih hin CDF Mara an tlaihmi hna zong an thlah rih hna lo. Mararam ah hin AA+MDF nih CNA le CDF cu an thah hmasa hna i, CDF lei nih lehrulhnak an tuah ve hna, cucaah biaknaklei hruaitu hna nih remdaihnak a umnakhnga an i zuam tualmal ve. crd:TLT