SAC Nih Mindat Khuapi Ah Vanlawng In Hriamnam An Chap- Chinram, Mindat khuapi hrambunh Khah Lah Yah 274 Battalion ah SAC nih vanlawng in voi 4 tiang hriamnam, zen-kuan le eidin an thlak hna, tiah Mindat khua mi hna nih an chim. Nihin February 14 zinglei suimilam 9:30 hrawng ah Mindat khuapi um 274 Battalion SAC ralkap sakhan ah thil phor vanlawng nih voi 4 tiang hriamnam, zen-kuan le eidin tom 10 hrawng an thlak mi a hmuh kong Mindat khua mi nih Khonumthung ah a chim.
![](http://teachexclusive.com/wp-content/uploads/2024/02/3.png)
Khah Lah Yah 274 Battalion SAC ralkap sakhan pawngkam zong ah SAC ralkap nih humhimnak an laak i vanlawng in hriamnam le zen-kuan an thlak mi hna zong an sakhan in meng 2-3 kar a hlatnak ah an tla i cheukhat thil tom zong Battalion sakhan chung farkung lak ah an tla, tiah theih a si.TCP