CNDF ka tuan lai ih ka sal ring ring theu mi pawl…”Kan ram le Miphun zalennak hrangah nunnak pek in kan tuan ding.Kan ram le Miphun zalennak hrangih ka hnatuannak ah mi zokhal ka hrangah dawnkhamtu si lo ding in thu ka tiam a si.”Ka thiam dan tawk le ka theih dan tawk ih thabik in ka ram le ka miphun zalennak hrangah ka ban cin ka mipi ka rian. Tuini tiang mi khua, mi peng thu ah ka hrawlh aw lo, ka hnaihnok lo.
Kei ih ka sual rero mi zalennak cu bulpak zalennak ihsi thawk in khuatlang zalennak, pengtlang zalennak le rampi zalen nak tiang a fehso mi zalennak a si. Kan Chin rampi Kawl kut hnuai in zalen khal sehla, kan unau dang pawl ih ukbetnak hnuai ah kan um tho tho len ziangsi thahnem?? Kan inn, kan khua, kan ram ah kan zalen nak in laksak ih in ukbet tum tu pawl kut ihsin ka inn, ka khua, ka ram hum dingah nunnak thap ih thutiam la tu ka si ruangah ka rian ban cin mipi ih tuanvo in pek sung hmuah thli le ruah ih phom cu tuar hrih ko ning…