Nikki Haley nih ka nun a himnak hnga Secret Service protection ka herh tiah halnak a tuah hna. Cucu zeiruang ah dah a si timi cu hitihin a chim,- President thimnak ka luh tlawmpal ah Trump dohkalhnak bia ka chim tlawmpal ah Na tuahmi thil hi I ralring tiah an ka ti colh. Cucu a dikmi lih a si lo caah ka nunnak caah Secret Service protection ka herh tiah halnak a tuah hna. Ka herhnak a ruang bik cu, Nihin ka tuahmi campaign hi ngol ka tim lo, hmainor chin chin kaa tim. Cu caah ka herh khunnak a si tiah Wall Street Journal ah a chim.
Nikki hi Donald Trump nih UN Embassador to UN ah rian a rak khinh mi a si. Kumkhat a tuan hnu ah rian a ngol. Rian a ngol tlawmpal ah President thimnak ah icuh ding na tim maw timi biahalnak an rak tuah bal. A rak lehmi hna cu, Ka chim kho rih lo, zeitintiah thimnak hi a hlat tuk rih tiin a rak ti hna. Atu cu Donald Trump president atlin khawhlonak dingah dohtu ah a si ve.
Nikki nih a timi cu, Trump lungput ruahnak hi a dik lo, mipi zalonnak a hnursuang, hi hi Americans nih kan herh mi asi lo a ti. Nihin tiangah Nikki cu hnulei kir aa tim lo. Trump dirhmun zoh ah Nikki nih a tei kho lai ti hi state campaign result le polls nih a fiangter ko.