TCP nih CNO/CNDF supporting Pu Saw Pum biaruahnak a ngeihmi chungah tlawmpal highlight ka vun tuah lai. Pu Saw Pum biachim ngaih tikah a fiang ngaimi cu, CNDF cawlcanghnak hi cunglei upa CNO le supporting monghnak in a si ko ti a fiang pah ko. Cun AA le CNDF pawl pehtlaihnak kongah cunglei upa hrimhrim an lungtling. Chinram uk aa timmi AA cu CNA nih kap sehlaw CNDF cu dai tein kan um lai tiin a chim.
Pu Saw Pum, “AA ralbawi Thun Myat Naing nih nan herhmi zeizong vialte kan in bawmh khawh hna tiah an kan ti. Nihin tiangah cun naihniam tein kan um ko hna. AA he kan ipehtlaih hi a tha tuk ka ti. Zeicatiah AA he kan ipehtlaih ruangah brotherhood zong an thawng deuh lai. Brotherhood hi meithal zong kan nei hna lo caah AA nih hin zeipoh an kan bawmh khawh ahcun cucu a tha tuk mi asi caah AA he pehtlaihnak tuah hi a tha tuk hringhran ( Falam- tha tuk lawlaw ).
CNA le AA an kap ahcun kanmah CNDF cu dai tein um dingin ka ti hna lai (AA zong bawmh lo, CNA zong bawmh loin dai tein um men ding). Cun AA cu an thazaang a thawn tuk tikah CNA zong nih an tei lai lo i, CNA le brotherhood i bawm zongin kan tei kho hna lai lo tiah a chim. Achimchap rihmi cu, Brotherhood le CNA remnak ser hi a tha. Remnak ser tikah kaphnih 50-50 in sisehlaw cu ti a si ahcun zeipoh a tha dih ko lai” tiah a chim chap.
Mino Zeimawzat CDF-Asho Sin An Luh Ca Ah Hriamnam Bawmhchanh An Herh- SAC ralkap nih hramhram in nawlngeihnak an laak hnu in Magway ramṭhen, Ngape peng ah hmunkhuar in hriam a tlai mi CDF-Asho nih hramhram ralkap tlak ding ti mi phung ruang ah an sin ah a lut mi mino zeimawzat an um i, mino a lut thar mi hna cu hriamnam an herh ca ah bawmhchanh an herh kong an thanh. “Atu bantukin CDF-Asho nih hriamnam cawknak Project kan kalpinak cu hramhram in ralkap tlak ding ti mi phung thanh a si hnu in kan sin ah a lut mi ralkap thar hna ca ah hriamnam zalh kan herh ruangah a si,” tiah CDF-Asho in ṭuanvo ngei pakhat nih a chim.
CDF-Asho cu hriamnam lei an chambau ngai i, atu tan a lut thar mi ralkap hna zong hriamnam tlaih ding an ngeih lo caah mizapi sin bawmhhalnak an tuah. “Hriamnam cawknak ding ca ah Nway Oo Kaan Let Project cu nizan March 25 in April 25 tiang, thlah khat chung kalpi kan timh i ralkap pakhat nih meithal pakhat cio tal an i tlaih khawh nakhnga, a tak in a tlam a tlin khawh nakding ca ah ramchung, ramleng um mipi nih dirkamh in thazaang rak kan pe cio u,” tiah CDF-Asho in ṭuanvo ngei pakhat nih a chim.
CDF-Asho cu pau dohthlen caan kum thum leng chung ah Lai meithal he deuh lawng kahdohnak ah an i tel i, hriamnam ṭha deuh mi an ngeih khawh ahcun pehzulh in kahdohnak ah aa tel kho ding an si kong an thanh. CDF-Asho ralkap cheukhat cu meithal an ngeih lo ruang ah kahdohnak ah i tel kho lo in lungrawk ngaiin an um, tiah ṭuanvo ngeitu nih an chim.