Patrick Van Lian Uk hi US ralkap kum 20 a tuan cang mi asi. Amah nih dohthlennak kongah Laimi kan lungput tete a chimmi tlawmpal highlight ka vun tuah. A timi cu, Dohthlennak a tuahmi hna hi ONE COMMAND ah um kho sehlaw a tha tuk ding a si. CNF/A hi mipi nih lungrual tein upat I an mah bia in thu dirk ho hna u sihlaw a tha tuk hnga nain, Atu cu khuakhat le khuakhat mah tein um I hriamtlai phu PDF tbk kan umnak hi a si. Pakhat le pakhat hi nahchuahnak kan ngei tuk, khuadang nih uk timi hi kan duh lo.
AA he hmuhkhat ah riantuanti timi cu atu dohthlennak tuah lio ah ralhrang kan dohti lai ti asi ahcun a tha ve ko nain hmailei kong ruahah AA cu biaknak dang an si pinah miphun dang state dang an si caah riantuanti peng ding ahcun an tha lo.
Chinland Council cozah hi a tha ko ti na ruat maw? Hi kong cu a har ngaingai, zeitintiah Laimi hi politics ruangah lungrual hi teinak taktak hmuh ding cun a fawi lo. Cun, thutdanh kan i kianh khawh i kan nawlngeihnak kan kaltak khawhlo ahcun a fawi lai lo. Hmailei thanchonak ding ahcun mi tam deuh duhnak ah kan i fun hi a biapi.Laimi dirhmun in CNA/F hi kan cohlan dih kawh hna ahcun a tha tuk ding a si. Cubantuk thiam in CNA zong nih ruahnak kaupi an ngeihlo in ruahnak bi an ngeih sual ahcun cucu a tha ve lo.