Rakhine Ram Ah SAC Ralkap Nih 122 MM Howitzers An Hrawh Dih Hnu Ah Ralkap Tilawng 2 In Sakhan An Tlik Tak— Rakhine ramkulh, Mebung peng um SAC “Yawchaung byuha kung” sakhan pawng chiah mi 122MM Howitzers miakpi telh in hriamnam kuanzen tampi cu January 26 ah mei an khangh ta dih hnu ah ralkap tilawng 2 in sakhaan an chuah tak tiah theih a si.
Sakhan chuahtak mi SAC ralkap pawl cu AA ralkap nih dawi in an kah hna i ralkap tilawng chung um cheukhat hliam an tuar, Kyauktaw, Mrauk U, Minpya, Yathettaung le Yanngbye peng ah kahhnih kahdohnak a um peng ko tiah The Voice of Spring sin in theih a si. TCLP
MDF Lungput Ka Hmuh Ning… CNA uknak ramchung ah MDF nih thahnawnnak a tuah, buainak a chuahpi tiah kan timi hi a dikmi bak a si, el awk um lo, nain a ruang ahrampi khi zeidah a si ti cuanh lo awk a tha lo. Zophei, Zotung, Mara hna cu Hakha Thantlang chungkhar ah khuasa mi kan unau taktak an si, Falam, Zomi le Mindat cheukhat he tahchunh ding an si lo. Mara cu kan pengkhat kan tlangkhat kan chungkhar khat an si i Lungthu tappi aa hrawm mi, pipu chan in nunphung thil thuam/ Laithuam tiang aa hrawm mi kan si hna.
Nihin ah MDF nih AA aa sawm i buainak achuahpi kan ti lengmang mi hi keimah ka hmuh ning ahcun UNAU I UH TTANH ( Ka nule ka pa nih ka nau nan dawt deuh, ka u nan dawt deuh tbk) uh ttanh/ nahchuak ruangah acang mi a si ko lo maw… MDF/MTC nih i uantaunak an neih hi aho cung hmanh ah a si lo, CNA/F cungah a si ko.
Cu caah chungkhar buainak bantuk thil a si caah kan pale CNF/A nih hin MDF/MTC uh ttanhnak hi kan theih piak ko cang hna caah nu le pa dirhmun sinak in hihi cu tha tein lam kawl khawh a si ko hnga. Nu le pa nih fale an nuarnak a ruang an kan theih bantuk khin CNA zong nih nan theih piaktuk ko cang hna lai caah kanmah unau chungkhar taktak a simi MDF hi theihlo hngalhlo miphun dang sinah an va i bet, an tlawnlen khi siang bak hna hlah usih, an unau a simi kan sin te ah rak kir than khawhnak hnga khuakhan a za tuk cang ti hi ka lungum bia ka vun thai ta.