Thawngpang theih ning ahcun Mandalay ramthen Puthein peng chungah ralhrang nih mipi thihphaihnak a phuphun an tuah hna i khua pakhatah minung pakhat in 7 karlak ralkap training nan tuah dih lai tiah an ti hna. Ralhrang biael ngamlo ruangah mino tampi cu khua kip in an i thawh cio tiah theih a si.
Siaha Peng Motor Accident Ah Mi Pakhat Nunnak A Liam! Siaha peng, Tuipang le Theiri khia karlak ah Tripper 407 cu lamthlang ah a liam i, motor khaltu Pu Malsawmthar(kum 18), Pangkhua cu a hmun ah a nunnak a liam.Theiri MTP(Mara minobu) President chim ningah motor hi ralzaam pawl thilri a phor tawn mi a si.
Tuipang khua in a kir lei ah Tuipang khua pawng ah hin aa din ta i, cu hnu a vun chuah ṭhan ah cun vanchiat a tong. Lamthlang lei a tlaknak hmun hi Tuipang le Theiri karlak a si i, Lampi in metre 40 tluk hrawng a ril. Malsawmthar ruak cu tuzing ah khan an laak i, Saiha ah port mortem a si hnu in an khua, Lawngtlai peng, Pangkhua lei ah kalpi a si. Malsawmthar hi nupi fanau ngei lio a si i, fa sem zarhkhat tluk a ngei, tiah theih a si.TCP
Pakokku Peng, Yelarlay Pyusawhti Sakhaan Drone In Bom An Thlak- Magway ramthen, Pakokku peng, Yelarlay khua um pyusawhti sakhaan cu March 26 zinglei sml 8:00am hrawng in zaanlei sml 5:00pm tiang hrawng Drone in bom lung 25 an thlak hnawh hna tiah Myaing PDF nih an thanh.Cun March 26 zinglei sml 11:00am hrawng ah Pakokku peng, Nyaungbinhla lamthen pawng ah bomrap lung 2 an thianh lio ah a puak i ralkap 1 aa hliam, pyusawthi 1 a thi. Kahdohnak chung ah Myaing PDF, Black Cobra, DMG, MRTF, Young Force UG, Kamma Underground, PDF Kamma hna an i bawm tiah theih a si. TCLP