SAC Vanlawng Bomb Ruang ah Mindat Tualchungmi 5 Hliam an Pu, Pakhat a Ke Bul- Nihin April 3 ah SAC nih Mindat peng chung ah vanlawng in bomb a thlak chap caah tualchungmi 5 hliamhma an pu i pakhat a ke a bul, tiah thawng kan theih. Nihin zaanlei sml. 2:00 hrawng ah Mindat peng, Circuit (13) ah a um mi khuate pakhat ah SAC ralkap vanlawng pathum nih Pound 500 bomb le meikaang bomb 10 hrawng a thlak.
![](http://teachexclusive.com/wp-content/uploads/2024/04/Screenshot_1.png)
Cu bomb thlaknak ah cun inn pathum an kaang dih i, sianginn tel in a dang inn 7 hrawng zong an rawkral.
SAC vanlawng nih a thlak mi meikaang bomb ruang ah ram mei kanghnak zong a chuak i nihin zaanlei sml. 5:00 tiang ah cun mei a mit rih lo. April 1 le 2 zong ah SAC ralkap nih Mindat peng, Circuit (2) ah vanlawng in bomb thlaknak a tuah i motorcycle le innlo tampi an rawkral, tiah theih a si.THP