Thliang Thlarau riantuannak zong hi bible ah aa tiallo mi cu pakhat hmanh ka hnabeisei lo. Thlacam bu zong hi ka hnabei nan sei lo hrimhrim. Thlacam ngai, thlacam dih in mi kong ceih, ka zei hnabei hmanh nan sei lo. Kan rammi thlacam bu cu pakhat le pakhat biaphuan zong aa lo lo. Thlarau lei kan pa ti zong hi uar tuk hlah uh tiah Rev. Tuan Peng Thang nih a ti.
UN Lei Thawngpang Bultan- Atu lio hi UNHCR nih 2010, 2011, 2012 le 2013 pawl RSD, RST, OPE le DHS a auh cuahmah hna ti thawng kan theih. Kan phone kan i ralring cio dih hna lai. Hlathlainak ca kan tial hna lai i kan phone number update kan pek dih hna lai. (Catial tikah chungkhar dihlak UN card a herh lai). Min aa mih i a thiang cangmi zong an case sining in a auh cuahmah hna caah kan phone tlaih kan daithlang lai lo.
Kan case kan i ralring cio dih hna lai. Fiang deuh in theih a duh mi nih CRC zungah mah pumpak rat in ruahnak hal le hlathlai khawh asi zungzal. 2019 le 2020 ah UN Online nan rak sok i chawnh lo mi kha November le December 2023 ah min cazin kan lak. Cu min cazin kan lak mi cu UN ah kan up cang i UN lei nih thla 3 in thla 6 kar ah register tuah ding in bia an kan kamh. Zaangfah kan nawl hna i 2019 le 2020 ah UN a sok ko nain min cazin a pe manh lo mi caah a tu 31 January 2024 hi a hnu bik min cazin pek khawh nak caan a um. A pe rih lomi nih mah pumpak in CRC zungah kal in pek khawh asi. (CRC Card aa tlaih mi asi hrim hrim lai).
2013, 2014 le 2015 UN card chuh ciami pawl zong UN nih appointment pe in interview an auh cuahmah hna. Nawlnak ca kan tial tikah kan UN Card Number (791-13C00000) le kan Id number (791-00000000) tbk kha kan i chinchiah a herh. Cun card chuh ciami zongnih kan phone number update kan pek dih hna lai. Welcome corps in US lei i laknak zong an on cang caah fiang deuh in theih duh mi caah CRC zungah hlathlai le ruahnak hal khawh peng asi. CRC zung ah hlathlai le ruahnak hal kan rat tikah kan CRC card, UN card, birth certificate le a dangdang ken ding ah herh mi kan i ken dih hna lai. Luaite, Chairman
CRC, Malaysia